الأخ/ عايض المشعان
ياهلا وغلا ..
بحضورك الأول وجميل مصافحتك بهذه القصيده الرائعه ..
صح لسانك
والجزاله تنبض بأحساسك .. ولا هنت يابعد راسي
ذكرتني بقصيده للشاعر / مبارك نايف ابو ظهير وهي تدور حول التجاره لدى الشعار
بقول فيها :
قلت أبتاجر رحت حطيت دكان
بـقــــالة ٍ فـــيــهـا حـــلاو وعــصـايـر
أجبان (( ميـه معدنيه )) وألبان
خـضـره فـواكــه شـبـــس بـــبـسـي فطايـر
ومـْـعلبات أنواع وأشكال وألوان
حــتـــى الـبــقــوليــات ويـّـا الـــزقـايــــر
والبيض هم جبته ولاني بندمان
مــانـــاقـص إلا آجـــيـــب بعـض الذخايـــر
ومــْـثلجات شكثر وألعاب بزران
وأشـــيا كـــثــير وقــول بعـض الـنـثـايــر
كملتها والكامل الله علشان
أربــح ولا تــطــري عــلي ْ الـخــســايـــــر
وحطيت في وسط الجرايد لها إعلان
زوروا مــحـــلــي وأبـشـــروا بـالبـشـايــر
بأول زياره ابشروا بشي مجان
هـــديــة ٍ مــنـــي أنــا لــــكــــل زايـــــــر
ثم جبت مصري بالدكاكين فهمان
يقــول انـــا يــا (( بيه )) شغـــال دايــــر
ملعون يكذب كان قصاب خرفان
وكــد إشتــغــل حارس فـ بعـض العمايـــر
ماهو على شغل الدكاكين شفقان
لــكــن حــداه الـضـيـم والــوقــت جايـــر
أثره طلع لي مثل طير بن برمان
الــزود أبـيــه وشـفــت مـنــْـه العــزايـر
كل يوم عن يوم المحل فيه نقصان
عــز الله إنــــي فـيـــه بالــحــيل حـايـر
بس راعي البالين يالربع خسران
شاعر وتاجر كيف ؟؟ ياهل البصــايـــر
الشاعر اللي دايم الدوم هيمان
مــايســتــوي تــاجر ولاقــيــل صـايــر
الشاعر نــْـعرفه على طول فقران
مــاغــير يـشــكي دنـيــته والحــسـاير
والتاجر مبيــّـن تقل فيه نيشان
كــنـــه الــيـامنــّـه مـشى فـــوق طايــر
قبلي حمد عبدالكريم بن عثمان
كــد إبــتلـــش (( بتريلته )) والــتـوايـــر
كل يوم متعني اليا قبل كيفان
إمــا عــلـــى بـلاكــات ولا ّ لــ وايــــر
هذي تجاره شغلها شغل يافلان
مــاهي مـشــاعر تــلــتهــب بالضماير
بالقلب ياربعي لواهيب نيران
أوجــس بقـــلبي صاليات الــسعـايـــر
أنا أعترف غلطان غلطان غلطان
شي ٍ مـهو بحــلـــه يـقـــولــون بايـــر
خسرت ست آلاف ماهن بـ تومان
لولا الحــــيا لأبكي واهــــل العـــبـــاير
معاني واسماء ذكرها الشاعر:
حمد عبدالكريم بن عثمان .. هو الشاعر حمد السعيد .
الياقبل كيفان .. المقصود الشويخ الصناعيه في دولة الكويت.
تومان .. عمله إيرانيه .
مبدع ياعايض
وارحب في روض ويلان
لك الحب كل الحب
اخوك/ ابراهيم الغضوري