ما اجمل المحاوره عندما تكون لها مناسبه
ومناسبة هذه المحاورة بين الشاعرين محمد الجبرتي ومحمد بن قابل العصيمي
جاء محمد بن قابل العصيمي إلى الجبرتي في منزله بالجموم واخبره أنه يوجد
تسجيل في برنامج الباديه الذي يعده ويقدمه محمد بن شلاح المطيري
فذهب الجبرتي مع ابن قابل للإذاعه بجده ،ولكن الجبرتي وجد أن الخبر غير صحيح
ولا يوجد تسجيل في ذالك اليوم لسؤ فهم الموعد الصحيح من بن قابل
وانتهز الفرصه الجبرتي
وقال الجبرتي:
انته يابن قابل تجيب اعلوم وتودي علوم
وتقول قال افلان واللي قال ليش اتقولها
بعض الرجال إن كان جاك بعلم قاعد لا تقوم
اترك علوم اللي مع الشارع تدق طبولها
قال ابن قابل:
حنا من أهل الصدق وأهل الصدق ماتخطي السلوم
وانته علـومك يالجبـرتي عرض الارض وطولها
الحمد لله ماحصل حاجه إلي لمس الخشوم
والناس مفروضه نخاطبها بقدر اعقولها
قال الجبرتي:
ماهمي إلأ الطرقه اللي ماقضت ليه لزوم
مثل الجمال اللي مع الديره غدة بحمولها
بنتك كبيرة جات من مكه الى عين الجموم
مكحله والمكحله والمشط جوف احثولها
قال ابن قابل:
محد ضمن مافي السما من شمس والا من غيوم
والخـير مقبل بكـره التـلعه تسـيل سـيولها
يابن شريف لا تعدي الحد وتشيل الرسوم
والبنت ميز واين طلعتها واين نزولها
قال الجبرتي:
البنت هذي جاتني طير على راسك يحوم
واشوف مكـتوبه ولادتها على هندولــها
وانته تعرف شروطها فالقيض والا في السموم
وإذا تكلمـنا عــلـيها كلـمـت سـندولـهـا
قال ابن قابل:
البنت واجبها التفرج لا تبيع ولا تسوم
وساسها من شام وأهل الشام دون نزولها
البيعة اللي ماتجي فالحج في وقت القدوم
تبا تجي فمنى ويحكم بيعها فسـبولــها
قال الجبرتي:
حنا تقاسمنا وقسمك جاك من عرض القسوم
اشتال قسمك يالعصيمي وأرسلو مرسولها
انت تفكر فالقمر والا تفكر فالنجوم
إن كان ماتقدر تفكر ما تعرف احلولها