[حمد الضوّي]

(( العلم المجمّل ))
__________
____
.
.
يامدوّر العلم .. الجميل .. المجمّـل=من أول سنين صباك حتـى تشيّـب
على . طريق الطيب . واصل وكمّـل=ولا تهاب .. من الصّعاب .. المهيّب
ولا تقرب . العيْ . الكسول . المخمِّل=اللي نَهَجْ .. نَهْجْ .. العفون المعيّب
واللي .. يقول .. ولا بـقوله يصمّل=واللي .. ليا جاء لازم الربع .. غيّب
واللي .. يحاول .. بالكـلام يتجمّـل=وإن عوّدت للجِدّ .. خايب . مخيّـب
لا جاء .. لزومه .. قام جسمه ينمّل=وتروّح ... علومه ... مراح الهبيّب
عليك .. باللي .. للثّقال .. يتحمّـل=ومعوّد لسانه على .. أبشر وطيّـب
طلْق الحجاج .. لـواجبه مايهمّـل=ويثنى عليه .. الأجنبـي والقريّـب
حتى ولو بالدين .. ظَهْـره محمّـل=باذل كرم .. كفّه .. هماليـل صيّـب
وغيره .. لبس رثّ الثياب المسمّـل=وماله كثر رمل الندف .. والكثيّـب
ياما أكثر .. فروق البشر لو تأمّـل=هداج ما يشبـه ضحـاح . القليّـب
.
.
.
حمـد الـضـوي