صدفه بلا ميعاد
صدفه بلا ميعاد جيته وجتني =0 وصدفه بلا موعد معاها تلاقيت
مديت يدي يمها وصافحتني = وياليتني سلمت ولا لها اليد مديت
حسيت أنا في شيء يوم مسكتني=0 شيٍ كما الكهرب نتلني وفزيت
فزيت لينا نايمً ماوتتني = في غرفتي لا جت بيمي ولا جيت
ولعت انا اللمبه وقلت تركتني = وقفت أنا حاير وبالصوت ناديت
أخذت أنا ساعه واقف وأشغلتني = وشككت أنا ببااللي جرالي وشكيت
أحلام ليلً عن المنام حرمتني = ليتي حقيقه مع حبيبي تلاقيت
اسئلك عفوك
الله ياللي لك على الخلق سلطان= ياوحدً كل الخلايق تهابه
يارافعٍ سبعٍ على غير عمدان = ياعالم الدنيا بيانه وغيبه
ياباني دينك على خمس الأركان =ومرسل رسولٍ للبشر تهتديبه
وياواحدٍفوق المخاليق لك شان= يامرجعً يوسف عقب طول غيبه
أرجيك حيث اللي ترجاك ربحان =واللي رجاء غيرك تردى نصيبه
أسئلك عفوك وأمتنانك والاحسان = وأسئلك انا عطفٍ ولطفٍ وهيبه
ربي انا عبدك وعندي بك أيمان = ماخش قلبي فيك شكً وريبه
ربي وأنا عبدك ترجاك شفقان = إنت الذي من يطلبك تستجيبه
ياجاعلٍ للخير والشر ميزان =ياغافر الزلات ستار عيبه
أدعيك وأنت مصور ألانس والجان = والنمل فوق القاع تسمع دبيبه
أسئلك في دنياي سترٍ على أيمان .= وأسئلك أنا التسبيح عند المصيبه
وألوذ بك يارب عن كل شيطان = وأعوذ بك عن الضيم هو والغليبه
واليا خذيت الروح تاخذ بألاحسان.= وتونسن ياصرت تحت النصيبه
وأسئلك أنا يارب رحمه وغفران = في يوم ماينفع قريبً قريبه
في يوم ماينفع قرايب ولا أخوان .= يومٍ صغير السن يغشاه شيبه
يومٍ عظيمٍ فيه رابح وخسران = أحدٍ سعيد الحظ وأحدٍ بخيبه
الناس حفيانه شباب وشيبان = كلٍ بنفسه مايهمه صحيبه
من عظمة الاحداث زاغن الاذهان = كلٍ يشوف بعينه اشياء غريبه
يارب ياللي خالقٍ كل ماكان =. تعطي ليا من العرب شح جيبه
وأسئلك أنا الجنه وطالبك رضوان =وتفكني من نار يشعق لهيبه
وتجعل لنا مع صفوة الخلق مسكان =ياشافيً جرحً تعذر طبيبه
وصلاة ربي عد ماكاينً كان .= على رسولً سنته نقتديبه
( أطـفـيـت نـورالـدار )
غاب القمر بالليل والنور ماغاب =ساعة حضر بدر الدجى غاب ضوه
أقفى القمر خجلان منه ومرتاب 0=وأستسلمت كل الكواكب بجوه
وأهتزت أغصان الشجر خوف واعجاب = واللي جميلً من جماله تشوه
جاني وسلم وأبتسم سيد الاحباب = وجلس وقال اللي تبيه انت سوه
أطفيت نور الدار وأقفلت انا الباب = وعن الفرح لوجت والزين نوه
قام ونزع عن باهي الجسم الاسلاب = وشديت هاف الزين يمي بقوه
مص ورص وضم لين الغضي ذاب 0= وشفت السعاده وأعتليت بعلوه
الليل راح وخاطري منه ماطاب = وقال الصباح وقلت انا الصبح توه