(ألأمـل مـقـتـول)
السعاده حلم تفسيره نفي =. والحقيقه يأس والواقع أسى
والأمل مقتول والقاتل خفي = مات ماعقب سوى عل وعسى
في زماني خانني حتى الوفي = كود هماُ للصداقه مانسى
صار لي سلطان يسجن ويعفي = وإن بغى يقلب علي صبحي مسى
ماهو ذنب العين وشلون تغفي .= ياهلي ذنب الزمان اللي قسى
(الــمــأســات)
أنا يوم ميلادي صدف مولد المأسات =..وكبرت ومعي كبرت همومي ومأساتي
أنا للأسى مرسى وأنا شاطىء الأهات =.. ولا للآمل مرسى على شاطىء آهاتي
أنا اليآس لي موطن وأناموطن اللوعات.=.تضيع السعادة بين يآسي ولوعاتي
أنا الماضي الهارب من الحاضراللي فات.=.وأنا الحاضر الهارب من الماضي الآتي
مواطن بلا موطن ولالي وطن وأثبات =سوى اني بشر حساس وأحساسي أثباتي
أنا عادتي ماحسب على غيري الزلات = ولاكني أبكي لاتذكرت زلاتي
أنا يوم غيري عاش في دنيته لذات = أنا أعيش في عزله وألامرار لذاتي
أنا يوم غيري ياسعد همه السفرات = مع الهاجس اللي يسبق الطير سفراتي
وأنا يوم غيري همه الضحك والسهرات = مواعيده أفراح وله الهم ماياتي
أنا موعدي في كل يوم مع النكبات = وأنا حظي العاثر سبب كل نكباتي
وأنا يوم غيري ياسعد في منامه بات =أخوك المعناء يسهر الليل ماباتي
وأنا ياسعد حيلي تردى وجسمي مات = وبقى القلب ينبض ياسعد والجسد ماتي
أعيش العذاب بكل لحظه من اللحظات = من الهم تمضي كنه ايام لحظاتي
غدرني زماني ياسعد وأخلف الهقوات = غدر وأنقلب وأخلف ظنوني وهقواتي
وحتى الصديق اللي وقفنا معه وقفات = تنكر معي وأنكر جميلي ووقفاتي
تنكر وجازى فاعل الخير بالسيات = جزاني بعكس الطيب ياخوك سياتي
صديق المصالح لك يجي ساعة الحاجات = وأذا كان ماله فيك ملزوم ماياتي
وأذا صار لك مطلب تنكر عديم الذات = وعديم الوفاء والمعرفه ينكره ذاتي
(الــمــاضــي ظـلـم)
قصة حياتي حلم تفسيره الحلم = نفس السؤال المر نفس ألأجابه
الماضي ظلم وحاضري قمة الظلم.=.ومستقبلي هو والسراب يتشابه
أناحياتي حرب ماعشت في سلم = منها أبتدى عمرالشقاء وأنتهابه
فعلاُ حياتي حلم في حلم والعلم = أن الشقاء لي بيت واليأس بابه
(أمــوت وأحــيــاء )
أموت وأحياء وأنت فارس للأحلام = أرتاح وأشقى وأنت غاية مرادي
وأسهر على شانك ليالي ولا أنام = وسهر الليالي عقبكم صار عادي
عذبتني وأشقيتني عام وأعوام = ماتدري أن الصد جرح فؤادي
وأدخلت في قلبي وساويس وأوهام =. وخليتني عقبك طريح الوسادي
عدي سجينً ينتظر حكم ألاعدام = حطو برجلينه ثقيل القيادي
ولاأنساك أنا مع مر الليالي والايام.= ودونك فلا يهنا منامي وزادي
أنسى هلي وأنسى الجماعه والالام .= ولاانساك لوتنسى الصلاة العبادي
(إن ضـحـكــنـا يــوم)
يابو قاسي شفت ماشفته وعفت = عفت انا من ماشفت حتى النظر
إن ضحكنا يوم عشر أيام زفت = وإن رقدنا ليل مانمنا شهر
يابو قاسي من زمان اليوم خفت = وصرت أخاف حتى من إبتسامات البشر
لاتلومن لو عقب قوه.... ضعفت = ولاتلوم القلب .... ماقلبي صخر
يابو قاسي في بلاد الله طفت = واغتربت وشبت في سن الصغر
راس مالي من ورى الغربة عرفت = إنني مخلوق لجل أشبع قهر