علم النسب والاصل للناس نبــــراس=.علـــــم توارثنــاه جيــل بعـد جيــــل
اوصى عليه المصطفى صفوة الناس=وابــوبكــر عنــده بالأنساب تأصيـل
اللي كتب محفوظ في وسط قـرطــاس=واللـي مـع الشيبـان تحت الغراميل
كـم واحد ضاع النسب منـه وانحـاس=.بإهمال ابـتوه اليـوم شاف الغرابيـل
وكـم واحـد فـي عزوته شبـه قرنـاس=..يقول انا ابن فلان لو هو ورى النيل
حنا عرب وأصل العرب ترجع لساس=.مـن دون زيـف ولا يجي فيه تبديـــل
عناز راس المجد صفوة هل البـــاس=.وفعـــولهــم ماهــو كـلام بــدواليــــل
يشهد على مااقول تاريخ وارمـــاس=.نبـــذة فخـــر ماهـــي مهايـط وتبجيـل
نفخر بهذا الجمــع يا خلفــة جــلاس.=.يا اشاجعــــــه ياكاسبيـــن التنافيـــــل
تاريخكــم مـعروف مافيـــه لـــولاس=بالكتـــب وصدور الرجــال المشاكيـــل
مــن روس قوم كاسبـة كـل نومـاس=.أقولـــها مـــــن دون نقــص ولا ميـــل
فرسان خيل لا اعتلوا قـب الافـراس=..يازغــردن بالصــوت بيـض الخلاخيـل
منكــم شيــوخ ومنكــم امــار رواس=...بالمجمعــه وسديــر مـن دون تأويـــل
وأهل الحريق اللي بهم عز وإيناس=..تاريخهــم معــروف مـن دون تفصيـل
بقيادة المعجـل هل الـدرع والطــاس=...ويــلان مـن ويــلان نعــم الرجاجيــــل
الشيــخ محمــد للجـزيـلات عسـاس=.شيـخ ولــد شيــخ لــه المجــد تأصيـــل
فيكــم ولاء لأهل الولاء ماله قياس.=..حـــب الــوطن مابــه عليكـم مداخيــــل
للدولته اللتي بالـدول مالها أجنـاس=..بأمـن وأمــان وتحـت حكــم الحلاحيــل
ال السعود اللـي بهـم نرفـع الـراس=.فــي عهــد أبو متعــب بعيــد المناويـــل
أصــولنــا حنــا لهــا اليــوم حــراس.=.أن مـاحفـظنـاهــا غشــى عــزهــا ليــل
وقبل النهايه قلـت من قلـب حسـاس.=..قصيــدتـي ما ابــي وراهــا محاصيـــــل
وصــلاة ربـي عــد ماهــب نسنــاس=.على شفيـع الخلـق صفـــوة إسماعيـــل