القصيدة لللشاعر تركي المشيقح و اسمها ( نوف )
الـحـزن طـرقـي والحنـايـا معـازيـب
لـفـى ولـكـن الـهـنـوف مخـطـوبـه
اللـي لهـا بـيـن الضـلـوع المحـاديـب
قلـب صـدق وســط الحـيـاة الكـذوبـه
راحـت علـى طـرق العطـا والمواجـيـب
أقفـت وهـي بنـت الـحـلال مغصـوبـه
والذيـب مايقلـط علـى فضـلـة الـذيـب
والـجــرح مـايـبـرى ولوحـاولـوبـه
يانـوف لـوهـي بالظـفـر والمكاسـيـب
ماخـاب ظــن الـلـي بفعـلـي هقـوبـه
لكنـهـا قــل وحـمـاقـة وأكـاذيــب
ثــلاث لاجــن الـرجـل عـذربـوبـه
مـدّلـي الفـرقـا وأنــا ودي وأجـيــب
عـيـن تـضـم الغـالـيـة واللـعـوبـه
يالله يــارب السـمـا عـالـم الـغـيـب
تستـر علـى عـبـدك خـطـاه وعيـوبـه
لاصـرت أحــب ولاتجيـنـي مكاتـيـب
وجسمـي نحيـل وضايـق فـيـه ثـوبـه
ياوجـد حالـي وجـد سالـم علـى كلـيـب
وجـد الّــذي كــلّ الـعـرب هبلـوبـه
لاهيـب قصـة حـب صـارت ولاهـيـب
نهـايـة العـاشـق وقـمــة عـيـوبـه
لكنـهـا خـبـث وحمـاقـة وأكـاذيــب
ثــلاث لاجــن الـرجـل عـذربـوبـه