ابي احكي لكم موقف عشته انا شخصيا وعن طريقه لعلي اقدر اوصل رسالة مباشرة لقلوب كل البنيات اللي مثلي
في يوم قررنا نروح للسوق نتقضى وكانت الاغراض ضروريه جدا فأضطريت وانا من اللي مايطيقون روحة السوق...................بنيه وماتحب السوق
اي والله مااحبه ولااحب اطول فيه سبحان الله شيء من ربي
المهم ومااطول عليكم رحت ومعي زوجة اخوي , نزلنا اخوي وهو مستعجل عنده شغل ضروري
وطبعا دخلنا المحلات نبي نخلص امورنا
الا وفجأه وانا واقفه عند باب واحد من المحلات اسمع صوت واحد من وراي يقول ((طريق ياخاله وسعي شوي اتعدى))
وانظر الا الفرق بيني وبينه يمكن لايقل عن عشرين سنه دقنه كلها شيب وانا خالته ههههههههههههههههههههههههههههه
الان انا ادري كل منكم يسأل نفسه ليه هو ناداني بخاله ليه مثلا ماقال يااختي عشان اكون في سنه مثلا مو اكبر او ليه ماناداني بالطبيعي يابنت وانا بنت ؟؟؟؟؟؟؟؟؟؟
السبب في اللي حصل اني كنت متحشمه ولابسه العباه اللي على الراس ولاعطر ولاعيون ولاحتى يدين ظاهره مني
وزدتها بعدم تعمد اظهار الزينه بحيث اني حتى تناسق في الالوان مافيه الكوتش (الله يكرمكم )) لونه عكس لون التنوره 
والله متعمده هذا الشيء ولاني مجبره عليه ؟؟؟؟؟؟؟؟؟؟؟
لكن وضعي هذا حماني بعد الله حتى من مجرد الكلمات التي تخرج من بعض من لايخاف الله
وحماني من نظرات عيونهم المتطايره هنا وهناك وفي كل زاويه ومكان
يعني لو لاقدر الله وكنت سافره او كاسيه عاريه
هنا كان الوضع اختلف كليا , كان اللي ميقدر يقرب يطول لسانه وعيونه علي
وكنت فريسه في المنكر لكل من سولة له نفسه بالمعصيه
لكن ستري حماني وعفتي في احتشامي صانتني من مجرد اللي يجرح خاطري !!!!!!!
والله اني كنت في اسعد اوقاتي وانا انظر للشايب اللي ظن اني اكبر منه او نفسه ماعطته مجرد رمي الكلمات علي
مامليت عينه وهذا اللي اتمناه وارجاه واطمح اليه وادع ربي انه مايحرمني من هالنعمه اللي من علي بها
لاني مؤمنه ان جمالي ونقاءه مايكون غير للحلال فقط , وانا صدقي في محافظتي عليه مايكون غير لعيون الحلال .
صدقيني ياوخيتي وقتها تحسين انتس عظيمه وانتس دره مكنونه في محارة مايوصلها غير المتعني والمستحق !!!
يكفي انتس تكبرين في عين نفستس قبل عيون الغير !!
هذا هو احساسي حبيت اوصله لكل اخت لي هنا واتمنى انه يوصل من قلبي لقلوبهن.
والعذر والسموووحه عن الاطاله ........... وخيتكم / الواااثقه