خل العتب تكفى وطالع عيوني=تعرف بها وش كثر ماشتقت اشوفك
وتلقى علامات السهر في جفوني=من طول ليلٍ اسهره مع طيوفك
جيتك غلا واشواق لو يعدموني=لملم شتاتي حطني وسط جوفك
برد الشتاء قاسي وصدرك حنوني=جيتك انا واحساس قلبي ضيوفك
ومن عادة الطيب ضيوفه تموني=هذي كفوفي حطها في كفوفك
بعوض اللي فات معك بجنوني=وانسى معك هم المفارق واحوفك
ماشوف غيرك ولا اتمنى بكوني=ومن شان عينك جيت البي حروفك
ادوس لجلك غيرتي والضنوني=واعيش لجلك واتحمل ظروفك