بسم الله الرحمن الرحيم
الشاعر\مشعل عسام التريباني الشمري
((ياولات الامر يادرع البلاد وسوره))في29\4\1436هـ
ياولات الامر يادرع البلاد وســــــــوره(1)ياحمات المســـــجدين وقبلة الاســـلامي
ياعيال اللـي على السنه وضع دستوره(2)الملك عـــبدالعــزيز النادر المقــدامـــــي
امتطا ظهــر الاصـيل ورسّـــم المعموره(3)لين طوعها بسيفه من جنوب وشـــامي
لين صــــارت جنتن غنـّا زهة بزهــوره(4)اكرمه صقر الجزيره بالفعول اكــــرامي
ثم رحل عنها وســـلمها الاســـد لنموره(5)النمور اللي لها بالمعجزات اســـــهامي
ولبسـوها حلته والمســك صار عطوره(6)وخصرها دارو عليه من الذهب بحزامي
قودها يابو فهد واهل الحســد مـــدحوره(7)ياسراجه ملجم لسان الحسود الجامـي
قودها واكســـر رماح اهل الفتن بنحوره(8)يالاســــد ياسيفنا البتار يالضـــرغامي
ســــــيدي ســـلمان ياضــي البلاد ونوره(9)ياولد عـــــبدالعــــزيز محطم الارقامي
اصــعد اصـعد بالبلاد بعالــي المقصـوره(10)والطم العدوان ياراع المقام السامي
كل شـــــــعـبك بايعــوك البيعة المخبوره(11)اعــتبرنا في يمينك يالمليك حسامي
والعــدو حنا عماه وغصــــتن فـي زوره(12)ماخشــــينا فــي بلدنا لومة اللوامي
من نوا شـــــق العصا ناطا على حنجوره(13)صـــف واحد ماتفرقنا يد الاقزامي