اليا متى ابقى كذا وانتا ابتبقى هاكذاك= واليا متى وانا اتآثر بالوصل وحاوله
واليامتى وانا امدحك بحروف شعري واهجاك= واليامتى وانا ارسمك على محيط الطاوله
واليامتى وانا اتضمى من خطاك اليا خطاك= واليامتى واقرب نهر تبخل علي جداوله
واليا متى واليا متى ولا متاك= متقهوي اللي خاوين لمواصلك وتفاوله
اموت فيك ومايكثر من غلاك الا حلاك= ياتحفتن ماهي فيدين البشر متداوله
سلهامت عيونك متاهت وادي وعضت شفاك= صفت قطع سكر تعض ابها على فراوله
الله يجيرك من صدوف الوقت وعيون الهلاك= والله يحفظك من سخافت للسن المطاوله
والله يخليك لخفوقن عاش يتنفس هواك= ايمرر اسمك في عروقه والضلوع تناوله
عيد بعيني جعل من ذمك من العالم فداك=واعطف على من صكته بقعا فراقك واوله
اللي اليامنه تذكر حلو وصلك عن جفاك= بكى بدمعت من يكابر والحزن متحاوله