هرج الوكاد إلى إنجعف شاهد الزور
عن الحقيقـه والعلـوم السمينـه
ديوان لأمجاد العرب ماهو بمنكـور
قبل الورق ماضاع مـن وارثينـه
=
مدري علام الناس ماتقبل الشـور
عن السنع درب الخطاء ممتطينـه
مالوم عنتر يوم جنب عـن الثـور
أخلى الطريق وحربته فـي يمينـه
ماهي مذلّه مـار بالعـرف دكتـور
عقل وشجاعه يالقلـوب الفطينـه
اللي تهور عادتـه ينطـح الطـور
مايفتهم لو عـاش باقـي سنينـه
والاّ الحياه دروس ناجح ومثبـور
كلاً بهـا يختـار صحبـة قرينـه
=
صح لسانه وعز الله جاد بما ذكر
لله دره
وشكرا لك اخي على هذا النقل المميز