بسم الله الرحمن الرحيم
لاجديد سوى همس النسيم وصدى من الخيال الجميل
وأحب النسيم اللي يذكرني بطاريكــ
حبيبي بديت اذكر حلا ايامنا واجيك=بحلم الليالي واخذك من معاناتك
احبك واحب اللي بدا نبضه يسميك=خفوق ٍ على حبك شفوق ٍ ملاقاتك
اشوفك بنومي كل ليلة وانا احاكيك =واقابلك واخذ منك واقبل عتاباتك
اجي لك بحلم الليل ساري وافكر فيك=واهوجس ليامن رحت عني بنظراتك
حياة الشقا عقبك توشح بها غاليك=وسواد الليالي ينجلي ببتساماتك
حياتي فرح في شوف زولك ولا اوصيك=على خافق ٍ يفرح ويطرب بهمساتك
انا اغليك والله والله اني معك واغليك=ترفق بعين ٍ تسهر الليل بسكاتك
واحب النسيم اللي يذكرني بطاريك= واحب الهواء لن الهواء في محاكاتك
الحوراء بنت نجد< 1435هــ