وجهة نظر
لهلم اعلومك كلها تقل صرّه= ثم خظها بمويه وشرب على الكيف
وان طعتني حسّب نجوم المجرّه= وشف العرب وين ايتمشون بالصيف
الا انت يوم انك عليّه تشرّه=لك حاجةٍ عندي والا علي ضيف
وماكنك الا دارسٍ علم ذرّه= وكثرة بالنشده وكثر التصانيف
والكل يدري ماوراها مسرّه =والرابح اللي ماتعرض صواديف
وياقلت لي دنياك هذي مغرّه=اللي تغره حولكم واحدٍ شيف
وش لون لوبعض المخاليق حرّه=تشوف لك شوفه اعلوم وسواليف
من غاص غبات البحر جاب درّه= ومن لاتعلّم ماتفيد التحاسيف
لاتحسب ان العلم حجٍ وعمره=العلم مابه لعب كاننت حريف
ياللي حسبت العلم زبده وتمره= والعلم حق ونور يابو مصاريف
الكان ماتقدر الثوبك تزرّه= وجهة نظر مالك ومال المشاريف
وبعض البشر يبلشك لازم تمرّه =وياجيت يمه شفت ماعفت ياحيف
وبعض العرب يخطي مره ومرّه= وكلٍ ايعرفه مايبي منك تعريف
ودك لوان الرب يكفيك شرّه=من كثر ماشافت اعيوني ملاقيف
ياشفت من لهلم اعلومه ابصرّه= كلٍ تبي نفسه ولاهو على الكيف