امس الضحى عديت رجم ومــطـــوي ** رجمــــــــــ طويل ولا رقت به دوابي
وبيحت من خـافي الحشا كل ما اخفي ** وهلّت من العبرة دمــــــوعي صبابي
ياللـــــي تفلسف والسبب حرفك الدي ** ما تنفعك الفــلــســفــــــــة يا عذابي
اترك لي حــــرف الدال واقول يا سي ** واجمع لك حرف الهاء ونونك ودابي
تعال وعالج جرحـــــكـــــم يا بعد حي ** جـــــــــــرح عطيب وزاد فيه التهابي
خفف عليّه وطـــــــــأتك زادت شوي ** خفف عليه لا يــــزيـــــــــد الصوابي
ودي اتعلق في فــــــــؤادك ثم اشكي ** قبل اتعلق فيك يوم الــحـــــســـــــابي
واســامــحـــك يالترف ما دام انا حي ** ويعوّضك ربي بحسن الــثــــــــــوابي
تعال يمي جــــــاي وامشي ثم امشي ** ممشى الــقـــطــــاة اللي تعاتب عتابي
وكلامنا هـمــســـــــات باذنك وابذني ** لا يسمعونه الــمــــــــــلا وكل هــابي
ما نقبل الــغــشـــوة ولا نقبل اغطي ** ولا نقبل الــبـــرقـــــــع ولبس النقابي
نبي البراءة يوم ذاك الزمـــــانــــــي ** نضحك براءة وانــــتــــعاطى التصابي
قــبـل يــمــوت ابوك وايضا ابي حي ** ســــــــــاعـــة وقفنا عند بابك وبابـي
يوم انشدوني وانت تعرف ماني عي ** وش عندكم وش عندكم يالـــعــــلابي
رديــــــت انا ثم قلت نشرب لنا مــي ** والكل منهم مـــبــــتـــســــم وامتغابي
الله لو نطلع ســـيــاحــــة على دبــي ** قبل الخــطـــوبـــــة وقبل كتب الكتابي
يمكن نجدد بالــعـــلاقـــــة لو شــوي ** حيث السنين اللـــــــــي جفتنا بعذابي
ونوثق الــمـــيــــلاف في بثنا الـحـي ** في منتدانا وفي لابـــــــــك ولابــــــي
وتشكي لي انت الحال وانا اشتكي شي ** ونقعد ونفضفض في دروب وروابـــي
حتى يحسدنا ابلــيس ويقول ذا غـي ** حــــــــــرام يا اهل الغي هذا التصابي
وانا مع اني ابـلـــيس ما ازاور دبي ** خجلت انا من اللــــــه واخشى العقابي
ما يدري الشيطـان انـي مع اوخـــي ** توه صغير ومــــــــــــــا بلغنا الشبابي
انعيش في عمر الطفـولـــة ولا شي ** ولا الشريعة كلفتنا الــــخــــــطــــــابي
كلمات ـ خيّال الرحا بن قاسط