كان للامير عبيد الرشيد خوي يدعى(شريده الصلـبي) وهو رجال طيب كان ينقل الاخبار للامير عبدالله والامير عبيد عندما جلوهم
ال عــلي ابناء عمهم من حائل. وبعد ان تسلم الامير عبيد الرشيد الحكم بحائل كان يجلس بمجلسه (شريده الصلبي)
وكان الامير عبيد يخليه قريب منه ودايم يجلس بجانبه ويحامي عنه دائما ..فكان الرجال المقربين لعبيد
ينقدون عليه ويلومونه وقال الامير عبيد هالابيات :-
طلبـت رب يعلـم السـر والغـيـب = يقبل صلاتـي لـه ويقبـل صيامـي
يجعل لنـا حـظ نزيـه مـن العيـب = يفكنـا مـن سـو كــل الاثـامـي
ابـن ادم محـل للخطـا والعذاريـب = لو مافعـل ترمـي عليـه التهامـي
ربعي لقو عقب ماشبت بـي عيـب = عيـب لقـوه مفسريـن الحـلامـي
وان قيل بي عيب فهو صدق بي عيب = عيبي ورثته مـن خوالـي وعمامـي
قلت اخبروني وش هالعيب من عيـب = قالوا علـى ساقـة رفيقـك تحامـي
العيب تـرك المعرضـه والمواجيـب = والا الرفيـق بفزعـتـه مانـلامـي
شارخ نعرفه قبل يبدي بـه الشيـب = مـره خطيـب ومرتيـن حـرامـي
رفيقنـا مانجـدعـه للقصاصـيـب = يجبر بنا لـو هـو كسيـر العظامـي
رفيقنـا كنـه بعـالـي الشخانـيـب = فـي راس عيطـا عاليـه مايظامـي
رفيقنا لو هـو مـن الجـد بصليـب = متعلـق معنـا بــراس السنـامـي
يوم الوغـى مانستشيـر الزواريـب = نـذرى الا هبـت لنـا بالـولامـي
نركب علـى قـب يجنـك جناديـب = بيماننـا بيـض تقـص العظـامـي
مع درب ابو بندر زبـون العياسيـب = اللي علـى ميـره تعيـش اليتامـي
غنـوا بفعلـه راكبيـن المصاليـب = من البصره الفيحا الا سـوق يامـي
والله اعلم