احببت ان اضع بين ايديكم هذه المحاورة التي بين الشاعرين / محمد موسى و محمد فرحان
رد محمد فرحان
سلام تسليمة/ن فالمنتدى السامـي
تسليمة/ن شاملة والعلم قداااااااامي
العلم لك يامحمد والبحر زاااااااااااامـي
والـنـار مــاتحرق إلا رجـــل واطــــيها
أبســألك يامـحـمـد كــان معيه مشيت
عن جملة/ن والعرب ماتجهل إعـرابها
يالحارس اللي على باب العمارة غفيت
كيف الحــرامي دخل وأنته على بابها؟
رد محمد موسى
يامرحـبـا يالمسـلّـم طـيـب الفـالـي
ترحيبـةً وافيـه للصاحـب الغـالـي
اللّي يدور علينـا اليـوم مدخالـي
والنار ماتحرق الا رجل واطيها
يالصاحب اللي على راس الطويله رقيت وش شـفــت فـــوق الطـويـلـه عـنــد مـرقـابـهـا
عطنـي علومـك وخـذ ردي عـلـى ماقـريـت واكتـب وانـا اشرحلـك الكلـمـه ومــن جابـهـا
===========================
رد محمد فرحان
دام البقــاء يـامحمد والخبـر جــالك
مـاني مــدور على الـــزلات لمثالك
لكن من هو مشى درب الهلك هالك
والــنار مـــاتحرق إلا رجــــل واطيهــا
ساعة وصلت الطويلة ليتني مانبيت
المشكلة شفتها بالعين واسبابها
العوج مــرتك وانته غــافين مــادريت
اليا متى وانته تقبلها على حسابها
رد محمد موسى
دربي على العز والمعروف خطيّته
ودرب الخطا والجهاله مابعـد جيّتـه
يالشاعر اللي رمى فـي بندقـه بيتـه
والـنــار مـاتـحـرق الا رجـــل واطـيـهــا
انا حميت المعاني كلها بيت بيت = ولانـي منّـشـد عــن الكـذبـه وكذابـهـا
مدامني مقتنـع واشوفنـي ماخطيـت = القـافـلـه مـاشـيـه لــــو تـنـبــح كـلابـهــا
===============================
رد محمد فرحان
مافيك قـصره لكن انك نـايم/ن غــافي
وش عاد لو العرب ارقــوك مشــرافــي
تمشي على الشـوك لكنَ القدم حافي
والنــار مـــاتحـــــرق إلا رجــل واطـيها
ياراعـي البصـمه اللـي غيرها مالقيت
بعض المعـاني ياليتك تحسـب احسابها
ان كـان عيا مـحـمـد يقـتنع بـالسـبيت
أهــل العــقـول الضـعيفـه مـابلشـنا بها
رد محمد موسى
ياصـاحـبـي أثـبــت الـكـلـمـه ووثـقـهــا
مـاكـل كلـمـه مــن الـعـاذل نصدقـهـا
بعض السوالف خطير انك ملفقها
والـنـار ماتـحـرق الا رجــل واطـيـهـا
يــاكـــم تـغـنـيــت بـالـجـزلــه ويــاكـــم عـطــيــت = وكــــم اتـعـبــت مــــن بــيـــوت الــعـــز كـتّـابـهــا
بس انت توك من سباتك تفوق وصحيت = وتـبــي تـنـاطـح زحـــول(ن) تـفـتــل اشـنـابـهـا
==============================
رد محمد فرحان
مـانـي ملـفـق يـابـن مـوسـى سوالفـهـا
لـكــن يـكـفـي بـــلاش انـــك تـصـرفـهـا
و ان كان ضيعتها مشهور يعرفها
و النار ما تحرق الا رجل واطيهـا
ما عندك الا لسانك صح كانك حكيت
ما همـك الا البيـوت اتجامـل اصحابهـا
أضـربـك لـكــن أشـوفــك يـانـمـا مستـمـيـت
حـتـى سـبـاع الجـبـل لــك حــدت انيـابـهـا
رد محمد موسى
مــشــهـــور شـــعــــره لـنــفــســه مـايـمـثـلــنــي
اثـــبـــت وجــــــوده وردي لـــــــه يـجـمـلــنــي
والا انت وش جبت بالجزلات علمني
والــنـــار مـاتــحــرق الا رجــــــل واطــيــهــا
انـا مـع الشعـر والشعـار يامـا سريـت = وكم جزلة(ن) صغتها غيري تغنابها
والا انت يالوايلي مالـك معانـا مبيـت = اسبـاع ضلعـك نجيهـا ونلـوي ارقابهـا
=======================
رد محمد فرحان
حنا هل الجزله اللي ما انت واصلها
يــا مــا كسبـنـا كـنـوز/ن مــا تحصـلـهـا
يــــوم انــــت ضيـعـتـهـا لابــــد اواصـلــهــا
والــنـــار مـاتــحــرق الا رجـــــل واطـيــهــا
لاتحسب انك هنيّـا يابـن موسـى عليـت
كسـبـك شمـاتـه عـلـى العـربـان وانسـابـهـا
يا ما بنا الوائلي في وقت به ما حبيـت
و كم ليلة/ن و اكثر الشعار ضحا بها
رد محمد موسى
يامحمد الشعر قلّي وين حصلته
وانته لك شهور ماشفناك قدّ قلته
مـنـهــو يـغـشـشــك عـــــزالله بـهـذلـتــه
والـنـار ماتـحـرق الارجــل واطيـهـا
واثق ولي بالشعر مركز وهيبه وصيـت = وانـا بصـدر المجالـس وأنتـه أب(بابهـا)
خذها نصيحه تفيدك طول منته حييت = البـوم عـمـره ماينـطـح بالسـمـاء أعقابـهـا
=========================
رد محمد فرحان
حنـا هـل الشعـر و العالـم نغششـهـم
ان كـان قلـنـا بـنـات الفـكـر ننعشـهـم
والا انت لامن قروا شعرك يدوشهم
و النار ما تحـرق الا رجـل واطيهـا
أمحق ثقه و انت وسط المهمهيـه هويـت
ســريـــت فـــــي لــيــلــة/ن مـــاعـــاد يـسـرابــهــا
ماني بحاجة نصايح كم عطيت وخذيت
والــذيــب مــــا يـبـتـلـش لاشـــــاف سـنـجـابـهـا
رد محمد موسى
خل المهايط وثبّت قولك بفعلـك
حتى بويلان ننصفكـم ونشفعلـك
والا كـذا ماحـدن يقـراء ويربعلـك
والنار ماتحرق الا رجل واطيها
هذا انت يامّسح الريضان اشوفك سهيت = ان اهــــل مــكــه تــعــرف الــــدار واشـعـابـهــا
يـامـحـمـد الـوايـلــي كــانـــك لــقّـــدرك نـســيــت = حـنــا تـــرى الـــروس وانـتــم هـابــط اذنـابـهــا
=====================
رد محمد فرحان
حــدد لي اليوم يـامحمد وابثبت لك
على النقاء ثـم ابفتل لك وبنقض لك
ماهو بقدم الطيـــــور اللي تغرد لك
والــــنار ماتحـــرق إلا رجل واطيـــها
هذا انت ياملهي الـرعيان أشـوفك شكيت
والله لكســــر عصــاتك مــاتعــصــــى بها
مانته من الروس واذكر غزوة/ن لك غزيت
مـفـتــــاح صـوبـــه وراك تحث لـركــابها
رد محمد موسى
هــذي طـيـور الـسّـعـد يـاحــي طـاريـهـا
أحرار صيد(ن) بعيدات(ن) هقاويها
وانـتــه فـــلا تـسـتـوي عـنــدي مـواطـيـهـا
والــنـــار مـاتــحــرق الارجــــــل واطــيــهــا
ما اشوفك بوسط عيني شي لآمن طريت = كـــــنّـــــك زقـــــــــــارة بـــــيّــــــدي واتـــلــــهــــا بـــــهــــــا
مالـك مـعـي حــظ لــو صيّـحـت والا بكـيـت = دار(ن) تــبــيــهــا عــــشــــا حــــنــــا نـتـغــدابــهــا
=====================
رد محمد فرحان
ماني مصيًد طيورك يامـل الخشه
الصـقـر جـاكم وكلن يـرجع لعشه
أضــربك وانته عظامك كـلها هشه
والنــار مـاتحـــرق إلا رجل واطيها
أنا تـراي أنجض الكيـه ليا مـن كويت
مـاكنًك إلا هنــا شــوز اتــوقًــى بها
وش فيك ماثبت لي غزوتك ولا نفيت
وإلا عـليك الســـوالف كثـرة أبــوابها
رد محمد موسى
انــا ادري انــك مـــع الـعـالـم كـمــا الخـيـشـه
وقّـــدرك مـابـيـن الـبـشـر مـايـعـادل الـريـشـه
شرواك مايسكت الا ل( انضغط ) فيشه
والــــنــــار مــاتـــحـــرق الا رجــــــــل واطـــيـــهـــا
ياصقّرنا اللي يحوم بكـل عشـه وبيـت = ترى الصقاقير يجرح ضرب مشعابها
ومن بعدها لو تطير بديرتك والكويت = تـبـقـى ضـحـيـة صـقـاقـيـرك ومـضـرابـهـا