،،
بسعد الله صباحك كل يوم ومساك
ــــــــ أشهد إن الصباح ان غبت كله كدر
,,
أنت لو تحسبه قدرك فـ صدري تراك
ــــــــ مثل من يحسب أبعاد الفضا فـ الشبر
,,
وانت لو تبتعد .. تراي أبطرد وراك
ــــــــ وان طردني سواك ابا ابعده واعتذر
,,
لا بغيت اختصر فـ الشعر معنى غلاك
ــــــــ كني أبختصر كل الكتب في سطر
,,
إغرف الود من قلبي على مشتهاك
ــــــــ مثل من يغرف بـ كفيه شاطي بحر
..
كل عين(ن) تشوفك ما تعبر سواك
ــــــــ وانت ليَّه وطن وانا نسيت السفر
,,
يذبل الحرف توَّه ما وصل منتهاك
ــــــــ وين ابا اروح عن حبك مدامه قدر
..