[نافع عيد الجديد]

الواجب انّـك لا تعدّيـت الحـدود وطفْتهـا
أقلّ حاجـه تحتـرم نفسـك وتحشـم جيّتـي

جوانبي الأخرى تـرا للحيـن ماقـد شفْتهـا
فالأفضل انّك تتقي شـري.. وتأمـن سيّتـي

كنت احسب انّك فاهم ْلشخصيّتـي وانصفْتهـا
أثْرك إلين اليوم ما انـت بفاهـم ْلشخصيّتـي

أجل!!.. ألاعيبـك إذا ويّـاي.. مـا خفّفْتهـا
عقليّتك.. وشلون ترقـى لمستـوى عقليّتـي؟

ياهي كثير اشياء صارت منْك ما استلطفْتهـا
أقلّها كذبـك.. وانـا فـي عـزّ مصداقيّتـي

واخطاء لا يمكن تطوف .. برغبتي .. طوّفْتها
حتى أبيّن لك مـدى صدقـي وطيبـة نيّتـي

ياخي انا كل المشاعر لجلـك .. استنزفْتهـا
وانت (ف) برودك للأسف.. قتلت رومنسيّتي

حتى أحاسيسك عشاني .. مـا بعـد كلفْتهـا
ما كنّك انت اللـي ورى تحطيمـك ْلنفسيّتـي

أطالب بكامل حقوقي منْك .. وانت اجحفْتهـا
تقول كنّي من ال"بـدون" اطالـب بجنسيّتـي

خلّيتني مصدوم فيـك وهقوتـي .. اخلفْتهـا
واصبحت فاقد شيء مـن طبعـي وتلقائيّتـي

يعني ترا عفويّتي من تحت راسك .. عفْتهـا
مع اني واحد دوم احـب اتعامـل بعفويّتـي

لكنّـي أتلفـت العلاقـه.. مثـل مـا أتلفْتهـا
مـا دام إنسانيّتـك .. ماهـي .. لإنسانيّتـي

أبشر .. وانا اللي دمعتي لليوم مـا كفكفْتهـا
إنّي لاعلمْك البكا .. واثبـت لـك استاذيّتـي

واجعلْك قصه من صميـم التجربـه.. ألّفْتهـا
دفعت فيهـا كبريـاء احساسـي.. وحنيّتـي

صدقني .. حاولت آتغاضى والعواقب.. خفْتها
لكني اخشى لو تطيح بنـاس مـن نوعيّتـي

إحساسها مرهف.. ولو حاولـت واستهدفْتهـا
ماني بساكت.. وانتبه من سخطـي وسلبيّتـي

أفعالك اصلاً لامسَت شخصي وانـا صرّفْتهـا
وشلون اصرّفها.. إذا هي لامسَـت قوميّتـي

تستاهل انّك تنجحد من نـاس مـا شرّفْتهـا
واوّل ترددت اجْحدك ..والحيـن بامكانيّتـي

ما دامك ْتعدّيـت ويّـاي الحـدود ..وطفْتهـا
غسلت يـدّي منّـك.. وأخليـت مسئوليّتـي


الشــأأعــر / محمد الشهـــري