ماضي الصبر
تسلم يمينك يا الغالي على طرح القصيده للنقاش ومعرفة احداثها ،،؟!
شيخات القصيد ثلاث وفى وكفى ابو غثيث اخوي بدر بذكرهن واشهرهن
واللي تنومس قصيده مقحم الصقري ؟!
القصيده قيلت بمجلس ابن رشيد يوم حكمه فعندما وصل الصقري للبيت اللي يقول
/
نرفا خماله رفيت العش بالغار
نودع الله النفس القويه ضعيفه .....!!
/
مادحا ربعه (( عنزه )) قام ابن رشيد وهو يقول مابكم احد يا شمر سبق هالعنزي
على هالبيت ؟!
وسماها بنفسه ابن رشيد شيخة القصيد ؟!!
،،،،،،
اما بالنسبه لقصيده الهربيد لا تعد شيخه بالمسمى المعروف رغم تزاحم اسماء الشيوخ
بها فهي لها قصه وهذا تفصيلها ؟!!
،،،،،،،،،
ومناسبة القصيده هذي هي ان الهربيد قال للشيخ نبي نرجع لديارنا احلى واغلى
وقال اسماعيل انت ياعدوان زاروبه وكل شاعر زاروبه يعني خوااااف قال من هو شاهدك على هالكلام
قال شاهدي سعيد
وجا من بكرى وسأل الشيخ عن عدوان الهربيد قالو له طني على اسماعيل وسعيد
قال روحو صوتوا له وجاااااهم عدوان وسأله الشيخ
وش بلاك ماجيتنا؟؟
قاااال
المجلس اللي به اسماعيل وسعيد= ينعاف لو انه على القلب غالي
الى اخر القصيده .....!!
ومن ضمن القصيده بيتين لم تذكرهن اخوي ماضي الصبر اللي يدعي بهن
الهربيد على اسماعيل وسعيد اللي هن ؟!
/
ياسعيد لاتضرب على حارت الدي
بشلفا تسل الروح بالاشتعالي
عمّيت بالسبه جميع القواصيد
ماقلت بالشعار طامن وعالي
/
المهــــــــــــــــــم الشيخ يوم سمع القصيده قال ياالله شيلوا رحلنا نبي نرضي شاعرنا
وعيوا اسماعيل وسعيد لايرحلون مايبون يطيعون شور ابن عدوان
تركوهم
ورحلوا الصبح
وهم بطريقهم لحايل لحقتهم العصر بنت من بنات سعيد او اسماعيل
وقالت القوم جونا وذبحوا اسماعيل وسعيد وخذوا الحلال وتركوا الحريم والعيال الصغار
ارسل لهم الشيخ زوامل وشال الايتام وجابهم
واصابت دعوة الهربيد على سعيد وقيل انه قتل بضربه مع صدره
،،،،،،،،
وجهة نظر لي شخصيه ؟!
القصيده ما هو لازم تسمى شيخه عشان يشار لها بالبنان عندك قصيدة الهربيد
بها دعوة مظلوم رد الضيم عن الفريس بحميته من دونهم وشفنا كيف ان الله استجاب
ادعاته عليهم !!
اخوك: صالح العرجان