الغالي سالم الصالح
تعجز كلمات الشكر على ماتقوم به من جهود ملموسه لدى الجميع في هذا الصرح الشامخ
واشكرك جزيل الشكر على استظافتي للالتقاء بك وبنجوم هذا الصرح وانشاء الله نكون عند حسن ظن الجميع وتقديم مايحوز على راضاهم
بخصوص الاسئله
السؤال الاول / اين يجد شاعرنا نفسه في شعر المحاورة ام في شعر النظم ؟
اجد نفسي بالمحاوره اكثر من النظم
السؤال الثاني / ماهي المحاورة التي يتذكرها دائما نافع الجديد . ولماذا ؟
حفلتين مع الشاعر منيف منقره وكانت في بدياتي حيث كان هناك جمهور كبير لهذا الشاعر الكبير
واعتبرها من المحاورات الهامه كونها مع شاعر معروف حيث اشاد بها الكثير 0
اما على النت محاوره لي مع الشاعر الكبير سلامه الجعفري والتي اعتبرها من اقوى المحاورات وتناقلتها المنتديات حيث اشاد فيها شعار كبار منهم مطلق النومسي وهي كالتالي
سلامة الجعفري
سلام مدري مرحبـا هـذا يصيـر وذا يصيـر
والا يصير ابـدا كـذا بـلا سـلام ومرحبـا!!
الليـل يانافـع وانـا دايـم رحاتـي تستديـر
تحطن حبوب اللي مشى فالارض قبل اللي حبا!!
نافع الجديد
ان كان ماتدري مصيبه ياسلامه يالامير
وان كان لاهاذي ولا هاذي نطف الكهربا
الليل توه ياسلامـه تـو ماجكـم نذيـر
لكن هد شوي شوف الكارثه لك تقربـا
سلامة الجعفري
ياطيب مخراجك من الموضوع لو انه خطير
المشكله صرت بنحاي ولاانت لاقي مهربا!!
ياللي سلاحك خيزرانه في يدي سيف ٍ شطير
الظاهر انك مابعد جربت مسنـون الشبـا!!
نافع الجديد
درب الخطر والا السهوله عندنا نفس المصير
ومنكـم ترانـا مانهـاب ولا تحملنـا عـبـا
عندي حميع الاسلحه والفعل مثلي به خبيـر
لكـن مثلـك نكتفـي بالخيزرانـه يضربـا
سلامة الجعفري
الوضع كله درة ٍ في قاعة البحـر الغزيـر
هذا قدر ياصلها فالقـاع والثانـي جبـا!!
اسلحتك بليا ذخيره يـوم بيحـت الستيـر
وحتى هذيك الخيزرانة حملها معنى الغبا !!
نافع الجديد
اسبح بحرها والدررملكي ماهي ملك الفقير
تاجر وقيم سلعتي ولا اقرتـب يـم الربـا
عندي مخازن للذخيره و قتها اليوم الكبير
والا انت تكفيك العصاء قدرك ولاتستغربا
سلامة الجعفري
يالتاجر السباح انا عارف بـالاول والاخيـر
مار ان بعض الناس من قول الحقايق يغضبا!
الطير يبرم فوق عشه للسما يرفـض يطيـر
هذي ماهي عادة طيور ٍ صيدها بالمخلبـا !
نافع الجديد
مايخطي الرجال مادامه يشيرو يستشير
وياكثر منهو بابشر ماخذ بنفسه مقلبا
الحر مثلي لاكفخ عن صيدته مايستذير
ولايلتفت لطيورك اللي حدها راس النبا
سلامة الجعفري
ترى الحمولة ياصحيبي مالها غير البعيـر
وانا لو ابرك لها الحاشي تراني مذنبـا !
ازرى الفرزدق لايحصل واحد ٍ يشبه جرير
داخلك عن زود الخساير بعد بان المكسبا!
نافع الجديد
وترى السفاره ياصحيبي مالها غير السفير
ولو عينواغيره بها روح ماجاب المطلبـا
والان حان اختامها والامر كله صار خيـر
والسوق طيب والعرب تلعب مع اللي يلعبا
السؤال الثالث / ماهو السر بين نافع الجديد والرقم ثلاثة ؟
القدر مايركب الا على ثلاثه هههههههههههه
واهم شي نكون من الاوايل طال عمرك
واشكرك جزيل الشكر بانتظار اسئله اخرى