تعال ارجوك علمني وش الدنيا بلا فرقاك = تعال نعيش لحظات الوصال و نترك الحيره
تعبت من الفراق اللي يعيشني على ذكراك = و تعبت آقول رغم اوجاعنا يا جعلها خيره
اصبّر قلبي اللي من تركته ما قدر ينساك = عسى خيره و لكن بالحقيقه قووول تصبيره
رحلت و من رحلت و نظرة عيوني تروح هناك = على ذاك المكان اللي بكينا من تعابيره
تعال و علّم أيامي وش اللي من فراقي جاك = تعال و هدهد احساس(ن) بدونك صعب تفسيره
تعال و عانق انفاسي و اعانق فلسفة دنياك = على لوحة خيال العشق نبدع في تصاويره
تعال اقراني بعينك و صورني حسب رؤياك = تعال اجلس على ضلع(ن) تشرّف في مساييره
أو أقول !! اسكن بقلبي ترى قلب السعد يفداك = تعال املك زواياه الوسيعه و ابن لك ديره