ويامدور الجالس على شبة الكار ... إسأل عن الويلان تلقى محــله ..... مصافحه بعد غياب

[خيال البويضا الصقري]

بعد غياب نأمل قبول المتواضعه

::
::
::

الوايلي مجبول على شبه الكار=وسيـع الثنايا مجلسه ماتمله
مشرع ٍ بابه على طول الأعمار=الضيف لا من جاه حسبت هلله
يشفق على شوفة رجاجيل ٍ خيار=ليا قبـلوا يمه حجاجه يفـله
يشب ضوه قبل بزغـات الاسفار=ويدق نجره يطرب اللي فطن له
في مجلسه تلقى مقاديم الاعطار=وفي مجلسه تلقى علوم الأخله
وفي مجلسه تلقى وافين الاشبار=شيوخ الرجـال موثقين الادله
يمشي على درب الرجاجيل الاحرار=ويرقى بشموخ النايفات المطله
صدره وسيع ٍمنبتٍ كل الاقفار=يسقيه من طيبه ويثمر مهله
ليا تكلم كلمته وقع الامطار=يروي مسامعنا بمـزنن يهله
في فزعته يحمى على صـالي النار=يثور بركانه وسيفه يسله
ولاجا وقت الضيم للضيم صبار=مايشتكي للخلق في مستعله
يدعي الإله الواحد النافع الضار=يفرج عن الكربه ويغفر مزله
في حِسبته للناس موقع للأنظار=وفي حِسبته للطيب نغمة سجله
متميز شكله على كـل الاقطار=مثل الجدي معروف ثابت مطله
ويناشد عنّه ترى مافي اسرار=معروف والمعروف كلن يدله
ويامدور الجالس على شبه الكار=اسأل عن الويلان تلقى محله

::
::

ولكم ارق التحايا واعذبها


::
:


ابوعهـــد

[سعود المسعودي]

خيال البويضا الصقري
يعطيك العافيه
ومن طول الغيبات جاب الغنايم

صح السانك وبيض الله وجهك

[ابو ياسر الهبداني]

ابو عهد
صح السانك وبيض الله وجهك على الدرر فعلا صدقت


ويامدور الجالس على شبه الكار * اسال عن الويلان تلقى محله

الله يعطيك العافيه على الحميا اخوك ابو ياسر

[بنت العبيّه]

الفـاضــل.......................خــيـــال البــويــضــا الصــقــري...

والنــعــم فــيك وفــي لابــتــك...


صــح لســــــانــك...

[سعوط المجانين]

ابيض وجه يالصقري

صح لسانك ولاهنت

[هندي المقبل]

صح لسانك

قصيده جزله

دمت بود

[فهد الشافي]

ابو عهد صح لسانك

على هذه القصيدة التي امتعتنا بها

يعطيك العافية

دمت بود