[ يذوب الليل ... ] [ مكتوبه .. شيله ] - °~*¤®§(§ شبـــكة ويــلان العـربـيـه §)§®¤*~ˆ°

**فواز الفهيد** · 27/02/10, (02:57 PM)

لـ الأستماع لـ القصيده [ شيله ]

/
\
:
/
\
:

يذوب الليل بـ عيون الغريب ..... وتنطفي ناره ..
.......................... ويطيح الحلم من عالي سماه وينكسر نوره ..

يسولف لـ الدروب اللي شكت من طول مشواره ..
.......................... عن طعون القريب و دمعتين وآه مكسوره ..

عن المنفى .. عن ذنوب الزمان .. وقبح أعذاره ..
.......................... عن الآمال والهقوه .... وروحٍ فيه مقبوره ..

عن اللي يشكي الغربه وهو عايش وسط داره ..
.......................... عن اللي شاف بـ عيونه أخوه يخون دستوره ..

عن المجهول والواقع .... عن اللي بيح أسراره ..
.......................... عن اللي مع حبيبه شاف غيره ماخذن دوره ..

يسولف عن كثير أشياء .... ضيّع لـ أجلها ثاره ..
.......................... وطيح برجه العاجي ... وقلعة حلمه وسوره ..

يكابر .. والآلم ينطق .. قبل تسأل عن آخباره ..
.......................... يحاول يبتسم والضيق يكمل باقي الصوره ..

بـ ذنب الغير يتحاسب وحالــه شبه منهاره ..
........................... ويردد كل ماضاقت عليه الأرض مشكوره ..

يطيح الليل من عين الغريب .... وتنطفي ناره ..
.......................... و يموت الحلم في عالي سماه و ينكسر نوره ..

فـ !
الرياض .

**أبو غرام** · 27/02/10, (03:13 PM)

اتشرف بان اكون من اوائل من قرأ هذا النص في منتدى شبكة ويلان
فالشاعر فواز مبدع .. وقد قرأت النص سابقا كمتصفح
وشاءت الاقدار ان اقرأه من الشاعر بنفسه
لله درك يابن فهيد
ابدعت وتفننت

يذوب الليل بـ عيون الغريب ..... وتنطفي ناره ..
.......................... ويطيح الحلم من عالي سماه وينكسر نوره ..

يسولف لـ الدروب اللي شكت من طول مشواره ..
.......................... عن طعون القريب و دمعتين وآه مكسوره ..

عن اللي يشكي الغربه وهو عايش وسط داره ..
.......................... عن اللي شاف بـ عيونه أخوه يخون دستوره ..

يسولف عن كثير أشياء .... ضيّع لـ أجلها ثاره ..
.......................... وطيح برجه العاجي ... وقلعة حلمه وسوره ..

يكابر .. والآلم ينطق .. قبل تسأل عن آخباره ..
.......................... يحاول يبتسم والضيق يكمل باقي الصوره ..

صح لسانك حتى ترضى وحضور جميل وراقي

من شاعر جميل وراقي قرانا له ولازلنا بنتظار جديده

دمت بود شاعرنا المبدع الحضور

**سلطان الوايلي** · 27/02/10, (03:22 PM)

صح لسانك

ابداع قمة الروعه

لاهنت

**بدرفهد الجعفري** · 27/02/10, (07:45 PM)

ابيات جميله جدا

وشيله ولا اروع

لله درك يافواز الفهيد وصح لسانك مليووون

**سعود المسعودي** · 27/02/10, (09:15 PM)

صح لسانك وعلا شانك

تقبل تحياتي وجل تقديري واحترامي

**سالم صالح** · 27/02/10, (09:48 PM)

الرائع والمبدع

فواز الفهيد

شاعر مميز ورائع وله من القصائد مايشفع له ان يعتلي قمة التميز

لله درك وابيات رااائعة حد الجنون تصوير رائع واتقان لاختيار الكلمات الفريدة والتي لها جرس فاتن لاذن المتذوق

تقبل تقديري وودي

**حمد الخمعلي** · 28/02/10, (12:46 PM)

الشاعر القدير

فوااز الفهيد

قصيده عذبه ومليئه بالجماليات والحرفنه الشعريه0

صح قلبك وسلم بنانك

كًن بخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري