سامح الله كبريائك - °~*¤®§(§ شبـــكة ويــلان العـربـيـه §)§®¤*~ˆ°

**طلال الايداء** · 09/03/10, (10:32 PM)

اليـــــــكم متواضعتي ... امل ان تنال على ذائقتكــــم

استبدي في عيوني والعبي بين الحنايا = جاوبي صوت المشاعر واسكني قلبي مدينه
انتي اكبر من عواذل طبعهم شين النوايا = وانتي احلى من الورود وعطرها مع ياسمينه
طالعيني يوم اسولف في غيابك للمرايا = كنها مثلي تناجي وصلك اللي فاقدينه
وليتك تحسين شوقي كثر ماشتاقك معايا = لين تدري في غلاتك كثر مانتي تجهلينه
ليه تسمع للفراق وتنهي فصول الروايا = وليه صوتي يوم نادى قاصده ماتسمعينه
تدري وش اول زياره من فراقك والهدايا = جتني الآمي تباشر في دموعي مستهينه
وين ماناظرت اشوفك ساكنه كل الزوايا = سامح الله كبريائك ليه دمعي تنثرينه
وكل ماناظرت غيرك تنعدم فيه المزايا = كن سحر الجاذبيه فيني انتي تملكينه
ضاقت الدنيا في عيني يوم شحيت العطايا = كنها لحظة غروب" ساقت رياح" حزينه
ياقسى طعن الجروح اليا نحرت حتى الخلايا = لين خلتني اقّبل بالوجع اقصى جبينه
صرت اشابه بالمواجع شيبة" بيّح خفايا = ماله عيال" وعاجز وارخص الدنيا بعينه

**بنت راشد** · 09/03/10, (11:34 PM)

طلال الاداء
قصيدة جميله صح لسانك مدد بلاعدد
ولك احترامي وتقديري

**أبو غرام** · 10/03/10, (01:04 AM)

تــدري وش اول زيــاره مـــن فـراقــك والـهـدايـا
جتنـي الآمـي تبـاشـر فــي دمـوعـي مستهيـنـه

.
.
الله عليك الله

مبببببدع وشهادتي فيك مجروحه

لك مني فائق الود والتحايا

**سالم صالح** · 10/03/10, (09:20 AM)

طلال الايداء

صح السانك قصيدة مرصعة بالجمال الاخاذ والفاتن

الحقيقة انني من اشد المعجبين بما تكتب واكثر مايميزك انك تكتب بروح فدائما مااحس بروح القصيدة عندما تكتبها واعيش فصولها

لله درك رااااائع ومميز وتكتب بكل سهولة وسلاسة

كثير من يكتب الشعر ولكن قليل من يكتب باحساس شعري وروح تتضح في جنبات القصيدة

تقبل تقديري وودي

**مشاري بن فالح** · 10/03/10, (10:08 AM)

ياقسى طعن الجروح اليا نحرت حتى الخلايا
لين خلتني اقّبـل بالوجـع اقصـى جبينـه
صرت اشابه بالمواجع شيبة" بيّـح خفايـا
ماله عيال" وعاجز وارخص الدنيـا بعينـه

:
:

قاعد اصفق لك يالغالي

صح لسااااااااااااااااانك ملياااار
واعتلااا شانك يا طلال

شاعر جزل وشهادتي بك مجروحه يالبناخي فأنت مبدع مابها شك

**نايف الشبيعان** · 10/03/10, (11:10 AM)

أخوي طلال صح لسانك

وبيض الله وجهك

قصيدة شاعر متمكن

الف شكر

وتقبل تحياتي

**masha3el ** · 10/03/10, (11:17 AM)

الشاعر الراقي
طلال الايداء
صح لسانك وكلك
نص رائع بروعه شاعره
كلمات جميله ومعاني رائعه تتسلل داخل الفكر فتجد دوما لها مكان داخل القلب
ما شاء الله عليك لك أسلوب مميز وفكر متجدد دوما
لاتحرمنا جديدك وبالتوفيق‏
‏تحياتي ومودتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري