الموت لصار لك عند النذل حاجه......

[احمد العريفي]

الموت لصار لك عند النذل حاجـــــه = والموت لصار ماغيره يسويـهـــا

يلعبك النذل لعب الطـفل بالـعــاجــــه = تموت عشرين مره قبل يقضيهــا

يكفيك من جيتك له عقدة حجاجــــــه = لصار نفسك على العزه مضريهـا

وان كان نفسك على الحاجات لجاجه = ارثم هوا النفس لين الله يعـطيهـا

والنفس ترضى بكي الـنار لعـلاجــــه = لـصار ما بالدكـاتر من يداويـهـــا

يالله طلبتـك دموع العين ثجـاجـــــــه = يارب نفسي عن الانذال تغـنـيهــا


احمد بن عبدالرحمن العريفي
(نديم المجره)

العاجه : لعبه على شكل دميه من القماش

[جايز المفوز]

الموت لصار لك عند النذل حاجـــــه = والموت لصار ماغيره يسويـهـــا

يلعبك النذل لعب الطـفل بالـعــاجــــه = تموت عشرين مره قبل يقضيهــا

يكفيك من جيتك له عقدة حجاجــــــه = لصار نفسك على العزه مضريهـا

هذاالشعر والا بلاش صح السانك مليووووووون و مشكوووووور والله يعطيك الف عافيه وتحياتي لك يا احمد العريفي \اخوك ابواريــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــج

[محمد بن موسى]

احمد العريفي

صح السانك مدد بلا عدد

ابيات رائعه من شاعر رائع

وتمنيت لو اضفت عليها بيت سابع حتى ترتقي لمسمى قصيدة

فالمعروف في عرف اغلب كبار الشعراء

ان القصيدة من سبع ابيات واكثر

وبما ان الابيات لم تصل الى عدد الابيات المسموح به في قوانين القسم والمتعارف عليه

سيتم نقلها


كن بخير

[مزيد المزيد]

صح لسانك اخوي احمد

قرات كم قصيدة لك مليئة بالافكار والجمال وينقصها كما نوهوا الاخوان قبلي

العدد لكي تكون اجمل
مع ان الكيف اهم من الكم ولكن لتكتمل الفكرة لابد من النفس الطويل في الابيات

صح لسانك ولاهنت وبالتوفيق دائما

[ساميه العنزي]

صح منطوقك ... ابداع.....من شخص مبدع

تسلم الأيادي اخ احمد

[محمد الدلماني]

ابيات شاعر متمكن يااحمد صح لسانك واتمنى لك التوفيق

[محمد دعسان]

الشاعرا حمد العريفي
صح السانك
يالغالي
تقبل مروري
الله يحفظك