يومين ماشفت القمر

[سعود بن فرحان]

والله واقسم لك قسم مالك ايمان=واللي خلق أدم وحوا من الطين
انك نبض قلبي وروحي والاعيان=واني مقدم عمري براحة ايدين
ياشوق قلبي يابعد كل من كان=يلي ذخرتك للزمن دون تدرين
ياعشقي الاول على طول الازمان=ياعشقي الباقي من اول وللحين
سلامة عيونك من هموم واحزان=ليت التعب فيني مهو فيك يازين
لو التعب يظهر على هيئة انسان=ذليت لك كل التعب لين ترضين
ولو الشفا يشرونه الناس باثمان=دفعت له مال وذهب لين تشفين
لاكن قضاء ربي يجازيه باحسان=اجر وعوافي يابعد نور هالعين
يحفظك ربي من حسد كل شيطان=ياضحكة الدنيا ودرس المحبين
بكرة تقوم من التعب كنك حصان=وافتح لك بقلبي سطبل وميادين
يومين مرني مهن مثل ماكان=يومين ماشفت القمر يبتسم زين
من غيبتك حتى القمر خاطرة شان=وشلون قلبي يبتسم لو تغيبين

[سعود المسعودي]

الشاعر
سعود فرحان




صح لسانك وعلئ شأنك

وتسلم يمناك على الرائعه

لاهنت

[بدرفهد الجعفري]

الشاعر سعود الفرحان

عساك دائم سالم وغانم على هذه القصيده ا لجميله

صح لسانك

[سعد النفج]

سعود فرحان

صح لسانك و الله يكتب له الصحه و العافيه..

و ما هذا النص إلا مواصلة الابداع و التميز من سعود المطرفي ..

و لكن عندي ملاحظه..

( واللي خلق آدم و حوا من الطين )

آدم مخلوق من الطين و لكن حوا من ضلع أعوج من أضلاع آدم..

شكرا لك و شكرا لنصوصك المميزه..

[شاعر البيتين]

الله الله عليك ياسعود


بقولك مثل ماقال يوسف سيف أعلق وأصفق

أنا هنا أقراء وأصفق

أمتعتنا يامتتع بهذه الفاتنه


سلمت ودمت


















تحياتي وتقديري

[رابح الغضيان]

الشاعر/الواعد/والقادم بقوهـ

سعود فرحان

صح لسانك جزل ياسعود

ولاهي غريبه حيث هذا الشبل من ذاك الاسد

شاعر ابن شاعر

بالتوفيق ان شاءالله

وبنتظار جديدك يامبدع

تحياتي لك

[هندي المقبل]

الشاعر سعود بن فرحان

صح لسانك على هذا النص الشعري الجميل الذي يحمل الكثيرمن معاني الجمال

بالتوفيق ان شاء الله