خارج حدود العقل يهذابي.....الى كتابي الذي حفظته - °~*¤®§(§ شبـــكة ويــلان العـربـيـه §)§®¤*~ˆ°

**عايدالعنزي** · 09/05/09, (02:54 PM)

لا اعلم اين انا....

ليتك تحسين حبك كيف سوابي=حرام باالله واللي نزل اكتابه
حبك احسه نشى بالقلب وعصابي=في ذمتك فيه مثلي حب بعصابه
وش جاب حب الجنون ال حب وش جابي=مافيه واحد من الاثنين يتشابه
ليلي سهرته تخيلتك بتصحابي=تخيليني ابليلك حتى انا اصحابه
حبك في قلبي احسه نبض يحيابي=صارالنفس دون حبك صعباُاحيابه
عيونك بهاالموت يقتل بامرالاهدابي=ياويل منهوقتيل الرمش ياصابه
الموته اللي سببهانظرة اعجابي=في عالم الحب تبقى مات بعجابه
ياقال غيرك يبيني قلت لا مابي=من حضرة اللي تبيني غيرك اشقابه
صحيح انا احسب لمنهويحسب احسابي=الاالمحبه لغيرك ماحسب احسابه
ناضرتك اقرءاك حتى صرتي اكتابي=وغيباً حفظتك اخاف الناس تقرابه
طبع البداوه على الفطره تحلابي= حتى في وجهي يبين الحب واسبابه
اسعى في قربك واشوف البعد يسعابي=من لام عايد بحظاً ماتهقوابه
صرت اتحرى تجي فيني من اصحابي=من يامن الداب ياكشر عن انيابه
يا(............)خارج حدود العقل يهذابي=هوكيف لوكان عقلي فيني اهذابه
واليوم بانت حقايق من تلاهابي=ماكنت اصدق يخون الحب بحبابه
ظنيت فيها وفيه بس بي خابي=ماكان تخفيه صاب القلب مضرابه
خليتها كل شيٍ لجل ترضابي=وهي وهمتني بجرح الغدروحرابه
بسوقهاوين ماراحت بي اركابي=لوشفت انا الموت لجل الحب ماهابه
اخاف لو طحت مارجع يم مرقابي=نفسي عزيزه ولا ارضى من تمهزابه
ياحبي اللي اخذني معه لغيابي=ولاعادابي قلب يرجع لي من اغيابه

**عناد الغريب** · 09/05/09, (04:12 PM)

الشاعر القدير عايد العنزي

صح لسانك ولاهنت

نص مفعم بالجمال والتضحيه والاخلاص

نص يطربني ويمتعني

للله درك عزيزي

دمت بحمى الرحمن

**سعود المسعودي** · 09/05/09, (06:19 PM)

الشاعر القدير عايد العنزي

صح لسانك إلين ترضا

قصيدة جزلة من رأس جزل بالمعاني

أبيات عانقت الأبداع

**فهد الشافي** · 09/05/09, (10:43 PM)

الشاعر القدير عايد العنزي

صح لسانك ولاهنت

**حمد الخمعلي** · 10/05/09, (12:54 AM)

الاخ الشاعر القدير

عايد العنزي

الف صح لسانك وسلم قلبك ونبضك0

احترامي

**تركي صالح** · 10/05/09, (11:51 AM)

عايد العنزي

صح لسانك وعلا شانك

نص شعري راقي

دمت بكل خير

وتقبل خالص التحايا

**عايدالعنزي** · 11/05/09, (10:25 PM)

اقتباس:

المشاركة الأصلية كتبت بواسطة عناد الغريب

الشاعر القدير عايد العنزي

صح لسانك ولاهنت

نص مفعم بالجمال والتضحيه والاخلاص

نص يطربني ويمتعني

للله درك عزيزي

دمت بحمى الرحمن

الغالي

اخي

عناد الغريب

صح بدنك وكلك

الجمال والله انه حضورك ونورك

كلام اسعدني وشرفني

الله لايهينك ياعناد

ممنؤن

لاخلا ولاعدم

لك

تحياتي

وتـقـديري