السلام عليكم ورحمة الله وبركاته ....
للشعر معنى ومغزى وما اجمل الشعر عندما يكون قريب من النفس ويحمل بين طياته حكم
نستفيد منها في حياتنا اليوميه .
الشعر لايسمى شعر اذا لم يعانق الروح , ولن يعانق الروح الا اذا تكلم على لسانها وبدا يتقرب منها
وتعمق في احداثها اليوميه التي تتعرض لها ......................
هنا سنكتبه ونحفظه على مر السنين وسنرويه للاجيال القااااااادمه .....
اخترت هنا ابيات من اجمل الابيات التي قراتها وحفظتها واحتفظت بها .
بعدك عن اللي مايعزك معزه = وصدك عن اللي يعتني بك ردا منك
لاصار في لازمك عجل" مفزه = اكبر خطيه في لزومه تهاونك
واللي يعزك لازم انك تعزه =وتعلن معه طول الليالي تضامنك
والصاحب اللي عشرته بس رزه = مثل العدو اللي قبل ساكت" عنك
لاتجرح شعوره ولاتستفزه = وترا الكلام الشين دايم يشينك
للصمت حزات" وللهرج حزه = ومن لايعرفك معرفه مايثمنك
مهما يجيك من الردا من رفيقك = حاول تغاضى لايجيه الردى منك
ترا رفيقك وان وقف في طريقك = مثل الرصيد ان قل او زاد بالبنك
واعرف عدوك قبل تعرف صديقك = ومن لايحس بضيقتك مادرى عنك
ولا تيد المخطي ولو هو شقيقك = وش عذرك من اللي على ايسرك وايمنك
جنب عن اللي في رخا الوقت خلان = اللي كثير وفي لزومك قليلين
يمكن يسرك فـالميه لابدا الشان = واحد ولاينفعك تسعه وتسعين
خلك عن النمات والسرق منصان = وعن البلااسه واعتراض الرديين
وامنع دخيل البيت في كل الاحيان = لاتنخدم للذل مثل الذليلين
ولاتنصح اللي مابغوا منك نصحان = باشوارهم من دون شورك غنيين
خويك الطيّب عنه لاتبرا = اصبر عليه وخل شينه عجاريف
يشرب معك مشروب حلو" ومرا = ويارد معك حوض المنايا لياعيف
نوب ايتذرابك ونوب اتذرا = خله ذرا" لك عن هبوب الشفاشيف
سر ياقلم مالي على الصبر طاقه= صبري تعدى الحد ماعاد ينطاق
اكتب لمثلي قصته واشتياقه= في خطك الواضح على بيض الاوراق
قصة حزين ٍصافي المر ذاقه= وانا بذكرى مواصله خاطري ضاق
باقو به الاصحاب والوقت باقه= وصار الضحيه بين باير وبواق
يمشي وهو ماحس في كسر ساقه= امسى على ساقين واصبح على ساق
وهذي سواة الوقت شين اصطفاقه= الوقت لو يصفي لك ايام ماراق
لاشك يامن معك عقل ولباقه= بانصحك كان انك للأمثال تشتاق
صادق رجالٍ يعرفون الصداقه= يقفون في صفك يوم يبسات الارياق
ومن يرغب فراقك فعجل فراقه= جاز الذي يبغالك افراق بفراق
يقوله اللى جاير الوقت عاقه= ولازال في غيبوبة الهم مافاق
حظه على اقشر شي للنفس ساقه=بقبور الاحياء ينتظر يوم الاطلاق
كاني لياجيتك تجي جيت يمك =وان كان اجيك ولاتجي تبت ماجيك
ماني باخوك اصغر ضنا ابوك وامك = رجل على ماطالني منك اجازيك
خويك اللي مايقدر مواقفك = ترا ربيع القلب بعده وفرقاه
لاصار لارجل" مقامه يشرفك = ولاطيب" تقدر تحمل خطاياه
منت ولد" له يستهينك ويعسفك = ولا والد" ودك على مكسب رضاه
ابعد عنه في ديرة" مايشاوفك = اخير من قربه وشوفه ولاماه
بقي الكثير في عيون الشعر وفي قلوب الناس واسمحو لي ان كان هناك اي قصور
واسمحو لي بان اعود لكم مجددا" وبابيات كتبت من ذهب تستحق القراءه .....
دمتم بخير
04/05/05, (05:12 AM)
الطيب والصداقه بعيون الشعر
العرض العادي
