أخواني وأخوتي أعضاء وزوار شبكة ويلان إليكم هذه الأبيات على عجاله…فديتكم
دمي المحبره
هيه يا للي غرامــك قادنــي للجنــــون = دوك هــذا خفوقـي واعتلي منكبــي..
وخلي الرمش بيتك ورقــدي بالجفــون = ونزلـي يم قلبـي وبالضـلوع ألعبــي..
ورتبيهن شـوي شــوي خلــك حنـــون = وارجـعي بعثريهـــن زي ما ترغبــي..
بس تســـلا حـــياتي خلــهم يتعبــــون = دام هالمـلك ملكك كسـري واشطبــي..
وانسجي لك قلم من أي ضلع(ن)تبون = خلـي المـحبره دمــي ومنـها اسكبــي..
وسجـلي ذكرياتك جنب ذيـك الطعـــون = أكتـبــي لــي أحبـــك أي شـي أكتبــي..
وكـان دقـات قلـبي ياغــلا يزعجــــون = اسكــني صـدري الأيمـن ولا تذهبــي..
ولاهــدا الجو عنـدك ياكحيل العيـون = غـردي مع مشاعرشاعــرك واطـربـي..
الله اللـي عطاك وصرت فينـي تمــون = صـرت كلـي حلالك بس قـل وشتبــي..
انت تأمـر تدلل وكـل شي(ن) يهـون = ومن يعارض كلامك أشهد أنه غبــي..
لـو طلبتي أعيـوني يالغـلا يرخصــون = لا حصـلي أرضـاكـم قلـت ذا مطلبـــي..
أنتــي اللــي جمـالك شاقنـي يافتـــون = منجرفتي وراء الموضه ولبس أجنبي..
كان بالــزين فـن أنتي مـلاك الفنــون = وكـان للزين شيخ أنتي عقيد اعربـي..
كل ماشفت زولك وأنت تمشي بهــون = قـمـت اكبـر واهــلل ياصـلاة النبــــي..
هذي اللـي اعيونـي لجلـها يســـهرون = وهـذي اللي سبت حالي وعقلي سبـي..
عاليه فوق عرش الزين لو يزعلــون = والبحــر مـاه كافـي ياغيـور اشربــي..
أخوكم ,, رابح الغضيان