هذه قصيدة الشاعر خالد مدعث الدوسري التي جاراه فيها الشاعر ناصر الفراعنه
((((التــــــــــوجــــــــد))))
كل ما فاضت عيوني باشت الأضلاع غنا=الموارد فالضلوع وكل ضلع(ن)فيه ونه
والتمني مايحقق هقوة القلب إن تمنا=بس قلبي مايداني تبعد الهقوات منه
واوجودي وجد من جلي عن ادياره مجنا=تو عمره عشر وربع والليالي ماتهنه
ماوراه إلا عجوزه وخته وعود(ن)مسنا=بين فقر وبين دين وبين ظيم وبين منه
ماذبحهم غير دمع من الغبينه مايكنا=ويل من سود الليالي بالمصايب يبتلنه
راح مثل الذيب وهبلته حيات الذيب ظنا=وامن(ن)والموت يومي بين مخلابه وسنه
راح ينقل دم قلبه ون ظواه الليل ونا=الذيابه مروحاته والسيوف ايدورنه
لاذكر دم القرايب عانق البيدا وثنا=ون تذكر ضحكة امه زاع قلبه من مغنه
مايلوعه في حشاه الا لاشاف البرق سنا=غاب عشر اسنين مابه من يرد العلم عنه
ان حداه الخوف منا هزة الأشواق منا=يوم طال الوقت عود للديار اللي ربنه
قال مادام المذله والبلاوي يبتلنا=والله ان الموت فالوطان بين الربع جنه
يوم وقف بالمنازل مالقا بيت(ن)مبنا=غير بيت(ن)للهبايب والذواري يلاوحنه
راح يمه كنه اللي ظاربه رمح المطنا=واعذابه مادرا إن اسهوم بقعا يحترنه
يوم قرب سمع له صوت(ن)من العله يحنا=وحصل امه عندها ضيف(ن)يقول الموت سنه
قال يمه قالت اعيوني من الدمع انعمنا=قال ابوي وقالت اطوال النصايب قد خذنه
قال وختي قالت اقفا القوم بختك مع ضعنا=قال ربعي قالت اسنين المجاعه فرقنه
قال جيتك قالت إن الموت ماظن ايتونا=وستلمها نازع الأرواح روح(ن)مرجهنه
ثم صاح من التفرق صيحت اللي فيه جنا=دق صدره ونطوا من حر مابه طيشنه
كل هذا حال قلب(ن)من خلقه الله معنا=الهموم يوكلنه والروابع ياكلنه
ليه ادور للسبايب والسبب فينا ومنا=النفوس وماتسوي واليدين وماحصدنه
لا توسدنا الخطايا نلحق الشرهه زمنا=ماجزانا إلا عملنا والحقايق يثبتنه
قلت اجرب وش ورانا بنتسلا ون تهنا=الليالي ماتخالف من طلب شي(ن)عطنه
جاهل(ن)بالغيب وثر اللي يسلينا طعنا=مادريت إلا بقلبي والمحاني يردعنه
قلت وين اتروح خلك في ضلوعك مرجهنا=قال مدري مير كن الحب تل العرق كنه
قلت مخطي قال ليه الياذكرناه استحلنا=ونتبهت وطاح فكري للطواري وخلفنه
رحت ابسئل بنت حوا ليت حنا ماسئلنا=كان والله مستريح ومخلفن قلبي وظنه
قلت هز العود صفق النود قال النود حنا=ماذكربه عودن الا والهبايب يطرقنه
قلت في دارك غريب وقال حول في وطنا=لك محلن في قصور(ن)له سيوف(ن) يحتمنه
قلت اهلنا قال والله مانعيب اسلوم اهلنا=والعفيف من الهوا مابه علوم ايحرمنه
وبتدينا قصة السبع العجاف ومللنا=كل عام يمر يعطينا من الوعات فنه
وفترقنا مالقينا من يرد العلم عنا=غير حب(ن)للهبايب والذواري لاوحنه
والمعذره إن وجد خطأ إملائي
تحياتي لكم
24/07/07, (11:31 PM)
قصيدة التـــــوجد((خالد مدعث الدوسري))
رد: قصيدة التـــــوجد((خالد مدعث الدوسري))
العرض العادي
