حب عنزه للمعالي - °~*¤®§(§ شبـــكة ويــلان العـربـيـه §)§®¤*~ˆ°

**عبدالله المتعب** · 27/12/07, (09:08 AM)

يـسـعـد صبـاحـكم / مســاءكم

ماهمني لنـدن ولا شـوف باريـس=لــــ / ني اانـا أنسـان جـداً مثالـي
باللهم وجروح الخفـوق المفاليـس=وصكـات بقعـاء بالحنايـا تلالـي ‍
يالليل يالليـل التعـب والكوابيـس=تتعب وجيشك ماقدر لــــ / حتلالـي ‍
ماهمنـي يالليـل كثـرة وساويـس=انـا تـرى مـن لابـة ٍ ماتبالـي ‍
صــغــيرنا لافـــز فـزة قرانــيــــس= يآرد على حـوض المنيـه أقبالـي
واليا انتخو فينا رجـال ٍ فواريـس=نرقى الطويلـه مانهـاب الثقالـي
ويلان من ويلان عـزٍ بـلا قيـس=عوق الخصيـم مزبنيـن الرجالـي
وانت تخبر وقتٍ مضى للفوانيـس=لاضلمـت نشعـل بالملاقـا ليالـي ‍
اسهر معك مابين شعر وقراطيـس=وكتب عن اللي في هواها جرالـي
بنت ٍ غلاهـا زاد فـوق المقاييـس=أحبهـا حـب عـنـزه للمعـالـي
ولا كما حب ٍ مضى بـــــ / ليلى وقيس=يعني غـرام مايجـي لـه مثالـي ‍
حب بشرف ماهوب لعب ودنافيـس= أصفى من انبوع القـراح الزلالـي
لاغاب عني تسطفق بـي متاريـس=وزوله حـرام ٍ مايفـارق خيالي ‍
ويالليل ناظر هالحروف المقابيـس=يمكن تحـس بضيقتـي وانعزالـي
ون كنت تسئل عن اجواء وتضاريس=عندي جواب ٍ مختصر لــــ / سؤالـي
بعيونها ! لندن / وقبرص / وباريس=وفي قربهـا ينـزاح هـم الليالـي

**خلف الغريب** · 27/12/07, (01:39 PM)

الف صح لسانك وعشت يا الذيب ...

الله يعطيك العافية ....

تحياتي ...

**ماجد الغانم** · 27/12/07, (05:38 PM)

الأخ العزيز

والشاعر الرائع
عبدالله المتعب

صح لسانك ...ولاهنت

قصيده رااائعه بالفعل

فالله درك ولافض فوك

سجل أعجابي بهذه القصيده الشامخه
...
.
.
.

دمت بكل خير

ودام هذا التميزوالأبداااع

تقبل خالص تحياااتي

**سعود المسعودي** · 27/12/07, (06:19 PM)

صح لسانك ...ولاهنت

**عبدالله المتعب** · 28/12/07, (10:05 PM)

خلف الغريب

صح بدنك ولاهنت على حضورك

شكراً لمرورك الكريم

اعذب التحايا

**عبدالله المتعب** · 29/12/07, (10:56 AM)

ماجد الجعفري

.

.

صح بدنك

سعيد بتواجدك هنا

والأروع حضورك الكريم

لاهنت

لك التحيه والتقدير

**صالح الجطيلي** · 29/12/07, (04:52 PM)

عبد الله المتعب

صح لسانك

دمت بود