معاناة الفهد .. الى متى........!!

[صالح العرجان]

السلام عليكم ورحمة الله وبركاته

إلى متى ونحن نعاني ما نعاني من استغلال ونصب وضياع حقوق ؟
متى سنكون .. مقابل ما دفعت ستخُدَم.. وإلى متى الضحك على الذقون ؟
اعلانات كثيرة وجدتها مثل غيري عن خدمة الـ DSL ... لا فواتير هواتف بعد اليوم .. سرعة في التصفح .. تحميل سريع للبرامج .. أشتراك مفتوح .. وداعاً لمشاكل التصفح وبطء التحميل ..
آمنت بالله .. دفعت الاشتراك ( 1400 ريال ) اشتراك مفتوح لمدة 6 أشهر .. أوعدوني بالتركيب بعد 5 أسابيع .. قلنا OK .. أخيراً ستكون متعة الأنترنت أحلى وأجمل ... يوم التركيب ( اليوم الموعود ) .. وصل الفني ... قام بتركيب الفاكس وكل ما يلزم ..... لا يوجد اتصال .... ما السبب ؟
أكيد التسليك عندك مو مضبوط .. أقترح انك تركب سلك تليفون جديد من الكبينة الخارجية للجهاز .. وأكيد 100% راح يكون عند كنكشن .. هذا ما قاله ( الفني ) ..
وينك يارفيق .. ركب لي سلك على نفس الرقم من الكبينه الخارجية إلى الجهاز .. OK! ... OK ... سلك مع تركيب ( 350 ريال ) .. OK توكل على الله .. ركب السلك ووصل الجهاز على أحسن مايرام .. Connetion failed .. لا يوجد اتصال .. مره .. مرتين .. 10_ 1000 لا يوجد اتصال .. كلمنا الشركة والفني .. ما فيه اتصال يا جماعة ... بالنسبة لنا كل شي OK لكن تبقى مشكلتك مع الهاتف أكيد فيه خطأ في الكبينة الخارجية .. كلمنا الهاتف وشرحنا القضية التي تعادل قضية السلام في الشرق الأوسط .. قاموا مشكورين بارسال فنيين .. فحصوا الكبينة .. كل شي OK مشكلتك مع الشركة مو معانا ..
يا شركة الموضوع صار كذا .... أبداً مستحيل ... كل شي OK عندنا .. مشكلتك مع الهاتف ..
يا هاتف .. الشركة تقول كذا .. شالحل ؟
أقول ما عليك منهم .. أخصرهم بس .. ناس ما يبون يشتغلون ..
أخصرهم !!! وفلوسي ؟ ... قولهم ركبولي الخدمة والا رجعولي فلوسي .. وشرط بسررعة راح يوفرون لك الخدمة ..
سمعت النصيحة ..
يا شركة .. وفرولي الخدمه .. والا رجعولي فلوسي ...
والفاكس اللي ركبناه والرقم اللي حجزناه .. ايش لعب بزران المسأله ؟
لأ .. ولكن ما وصلني شي وفلوسي عندكم .. وفرولي الخدمة طيب..
يا أخي قلنا لك مشكلتك مع الهاتف مو معانا ..
يا هاتف ... يا ناس .. شوفوا لي حل !!!
طلع معك فني .. صح ؟
صح ..
أيش قالك ؟
قال كل شي OK والمشكلة بالشركة ..
شوف شغلك مع الشركة .. طيب؟
طيب ..
(( وعلى هالرنه طحينك يا أم علي ناعم )) مثل سمعته من جدتي الله يرحمها ويرحم أموات المسلمين ..
خذوا الفلوس .. خدمة مامش .. إتصال NO .. الهاتف يشوتني على الشركة والشركة تشوتني على الهاتف ... سألت بعض الأخوان قالوا .. مثلك أمثال ..
وهيا يرد عليك أحد أو تلقا لك حل .. يا شيخ إنسى ..
أنسى أيش ؟ والا أيش ؟
شالحل ؟؟؟


هذه المشكله حصلت لاحد اصدقائي (( الفهد ))

[مزيد المزيد]

صالح



معاناه تستحق الذكر مرت على الكثير ممن جربوا هذه الشركات ولكن ماهو الحل ؟


من الشخص الذي يستطيع ان يفتي فيها ؟ او من هي الجهه المسئوله عن حماية حقوق المواطن ؟







الا على فكره ياصالح















عندي سوال ممكن ؟
































لاصار خصمك القاضي من تقاضي ؟
































ماعلينا نرجع لمحور حديثنا


















الحين الشركه يوم رحت لهم وش قالولك بالظبط ؟

[محمد المقبل]

الله يعينك ياخوي صالح مرينا كلنا بهذه المعانه

مانقول الا حسبنا الله ونعم الوكيل

تقبل تحياتي

[صالح العرجان]

اخوي مزيد

اذا كنت في محكمه كل اعضائها خصومك فعليك المشي



















(( بهدوء ))











اشكر لك تعليق (( اذا كان خصمك القاضي فمن تقاضي ))

[صالح العرجان]

ابو ساره


محمد المقبل الحاضر الغايب


اشكر لك مرورك وحسبي الله ونعم الوكيل