الصبر فيني يعطي اصرار للذات

[طلال معيض]

ماهي خسارة في حساب الخسارات= ولانقطة ن صعبه وتكتم سراحـي
يعني اشاعه في ملف الاشاعـات= وان كثروا اعدائي دليل لنجاحـي
ياهل الروايه سجلـوا فالروايـات= قصه واعنونهـا بقصـة كفاحـي
كـل النواحـي للبدايـه نهايـات= اناالبدايه فـي جميـع النواحـي
ماتنتهي قـدام عينـي طموحـات= ولاينثني عزمي بحـزة مطاحـي
واللي تعرقلـه كثـار الجراحـات= ازداد همه فـي كثـار الجراحـي
الصبر فيني يعطي اصرار للـذات= والمر علمنـي بطعـم القراحـي
من لافزع معي بظلام المسآئـات= متنازلن عن ضحكته في صباحـي
لاصار لي صاحب بوقت المهمات=يسوى بعيني الف لاصار صاحـي
لياصدق كاني ملكـت البطـولات= مالي بمدحت مع صديقه مناحـي
لاراحت الفرصه لجمت الحسافـات= تكفيني العبره على شـي راحـي
واللي يقابل حسنتي بعشر سيـات= آخذ من الحسنات عشر بسماحـي
لاشفتهم يمشون حاسـد وشمـات= ماكني الاشفـت فلـم ن اباحـي
استغفر الله واحمده كـل الاوقـات= مامن وراهـم لاصـلاح وفلاحـي
لياعطوني في قفا الظهر طعنـات= لبست بالصف الامـام الوشاحـي
ماحركو شعـره ولاقلـت آهـات= الذيب ماراعـه لجيـج النباحـي
اقولها مـن دون شـك وقناعـات= ماكل طيب فـاح لاجيـت فاحـي
بس الاكيد ازبن ولـي السمـاوات= ولامدت يدين الرجـال الشحاحـي
ذي قصتي دونتهـا بعـدة ابيـات= مادامت اشعاري بفكـري رماحـي
ياهل الروايه سجلـوا فالروايـات= عنونت هالقصه بقصـة كفاحـي

طلال بن معيض

[سالم العنزي]

ماتنتـهـي قـــدام عـيـنـي طـمـوحـات
......................زولاينثـنـي عـزمـي بـحــزة مـطـاحـي

بيت وقفت عنده كثيرا

صح لسانك ياطلال

[عاشق المعالي]

طلال معيض صح لسان على هذه القصيده المميزه

بس ياليت احد المشرفيت يعيد تنسق القصيده .

[سعد النفج]

طلال معيض ..
صح لسآنك ..
شاعر راقي و دائماً تقد الروائع الشعريه المميزه ..
نص راقي يبروز صفحات الشعر هنا ..
دمت بألف خير و دام هذا التميز ..

[طلال معيض]

شكرا لكم جميعا انا عندي مشكله في تنسيق القصيده لاني سويت لها معاينه وكانت بالشكل الصحيح

ياليت يتم تنسيقها

[صالح السالم]

الله عليك يا مبدع

صح السانك ملاااااااااااااااااااااااايين

قصيده جزله وشاعر جزل

تقبل مروري

[حمد الخمعلي]

الاخ القدير الشاعر

طلاال معيض

صح لساانك وسلم قلبك على هذه الجزااله

كُن بخير