@ طعنة ظهر @ - °~*¤®§(§ شبـــكة ويــلان العـربـيـه §)§®¤*~ˆ°

**سعد النفج** · 03/02/08, (02:18 PM)

الحر يوم الهد بيـّـن من الهدّ=والشعر عندي حر واليوم هده
حررته من البرقع و لدّ ثم لدّ=وكفخ ورا من شد فوق الاشده
مس ٍ لمس تفكيره و جاك مرتدّ=متحدر ٍ من فوق راس ٍ تعده
من عقب ماهو بالوفا دوم ينعدّ=اليوم غيـّـر بالوفا والموده
لياصار خلك ما يواسيك بالجدّ=وقت الرخا به ناسه اللي تسده
ليا جتك طعنات الاصاحيب باليدّ=طعنات عرق ٍ تكنزه ثم تشده
ياشينها وانا مشاويري عقدّ=ماهي مزوح ولا كلام ٍ ترده
يوم ان قلبي يفرش الورد والودّ=وانت الضغينه داخلك مستجده
حتى الجماله مالها فزوع تنعدّ=وماتت معاريف الزمن والمكده
ويبست غصون الصدق باليوم الاسودّ=والضيق معبر بين مده و مده
مخطي نعم مخطي ولاجيتك بصدّ= مسامحك لو سيفك ذبحني بحده
جزيتني نكران وشلون تجحدّ=شلتك وانا مالي على النفس شده
رفعتك بكتف ٍ به الحيل منهدّ=حتى عزومي من رفعتك مهده
علمتك اسلوب الرمايه مع الندّ=واليوم ترميني و حيلي تهده
( طعنة ظهر ) مابعد ترويضها ردّ=تجبر عزيز ٍ ضاق ثم باح سده
عواصف ..و ظلمه ..و سحب اتلبدّ=وانا التراب ازريت عني ارده
اوهمت نفسي بالنجاه و ترددّ=كلام ( ابوي ) وقمت غصب استرده
يقول : ( يا وليدي ) ترى الوضع مشتدّ=وما كل واحد ودك اشبه بوده
ويقول : بعض من العرب مالهم ودّ=لا ترخي بحبلك و حذرا تشده
نعم ( يبه ) فهمت قصدك وانا اشهدّ=ان الرفاقه ماهي بطول مده

**ماجد الغانم** · 03/02/08, (03:09 PM)

الأخ الغالي ....
والشاعر الرائع

سعد النفج

صح لسانك .......ولاهنت

على هذه القصيده الجزله ...

لله درك ....ولافض فوك

دمت بكل خير

تقبل خالص تحيااااااتي

**صالح الجطيلي** · 03/02/08, (03:31 PM)

ويقول : بعض من العـرب مالهـم ودّ @ لا ترخـي بحبلـك و حـذرا تـشـده

الاخ سعد النفج

صح لسانك

دمت ودام هذا الابداع

اسأل الله لك التوفيق

دمت بود

**خلف الغريب** · 03/02/08, (05:53 PM)

جزالة من جزل ..

الشاعر الرائع : سعد النفج

بيض الله وجهك على هالرائعة التي تحكي تجربة مرة عاشها سعد وناتجها لنا ...

شكرا لك ...

**احمد الـ عسيري** · 03/02/08, (06:50 PM)

.
.

صح الله لسانكـ سعد
كلمات في غاية الروعه
تحيتي

**بنت العبيّه** · 03/02/08, (09:22 PM)

يــا...شــيـــنهـا وانــا مـشــــاويـــري عــــقــــد...

لاهـــي...مـــزوح ولا...كـــــــلااااااااااامٍ تــــــرده....

يـــوم...ان قـــلـــبي يــفـــــرش الـــورد والــــود...

وانــت...الـضــغـــــينــه داخــــلــك مــســتجــــده...

لابـــد مــن خـــذلان ولابـــد مــن طــعــنه ظـــهـــر....لــكــي نتــعـــلـــم فـيمــا بــعـــد...

صـــح لـســــانـــك....وســلـــمت يــمـــينـــك...

ســـعــد الـــنفــــج لاهـــــنت...

**فهد الشافي** · 03/02/08, (10:49 PM)

شاعرنا الرائع سعد النفج صح لسانك على هذا الابداع

قصيدة استطعت ان تعطيها لون التميز والابداع من خلال انتقائك للمفردات

والاساليب البلاغية الدقيقة

قصيدة اكثر من رائعة..بيض الله وجهك

دمت مبدعآ

تحياتي