عد ى شهر يا شوق وأنا اتحـراك - °~*¤®§(§ شبـــكة ويــلان العـربـيـه §)§®¤*~ˆ°

**فرحان الفدعاني** · 29/03/08, (01:38 AM)

أعزائي اليكم أخر ماكتبت وأن شاء الله ينال أعجابكم

عد ى شهر يا شوق وأنا اتحـراك=أنطررجوعك كـل ساعـة ودقيقـه
العين تذرف دمعهـا بعـد فرقـاك=وبين الضلوع العوج شبت حريقـه
والكون كله صـار عتمـة بليـاك=يانور عمري يـا ضيـاه وبريقـه
ياليت أعرف أسباب صدك وفرقـاك=يا للي سرقت القلب منـي سريقـة
طال انتظاري يا حبيبـي برجـوا ك=والهجر روحي يا الغلا مـا تطيقـه
يا شوق قل وش فيك كثرت خطاياك=الحـب ويـنـه والعهودالوثيـقـه
وردتني ياصاحبي حـوض الأدراك=وبهدلتني من بيـن كـل الخليقـه
ولا اذكراني يـوم قصـرت ويـاك=حتـى تعاملنـي بهـذي الطريقـة
أنشدك باالله ياريش العين وش جاك=تكفى تصارحنـي بقـول الحقيقـة
أذا تبينـا ياالغـلا لاعـد مـنـاك=مابيك تتركنـي بهـم (ن)وضيقـه
واذا انت عايف قول لي روح مابقاك=وكلآعلى ماقيـل يمشـي طريقـه
وعساك يابن الناس تسعد بد نيـاك=والله يعين اللـي مفـارق عشيقـه
وانا با أحاول ياعسى أقدر أنسـاك=وتبرى جروح(ن) وسط قلبي عميقه

وســـلامــتـــكــم

**سعود المسعودي** · 29/03/08, (10:33 AM)


	فرحان الفدعاني الله لايهينك وصح لسانك على هالقصيدة الرائعه وتقبل مروري المتواضع ودمت بكل خير

**تركي صالح** · 29/03/08, (10:53 AM)

ولا اذكراني يـوم قصـرت ويـاك
-------------------------- حتـى تعاملنـي بهـذي الطريقـة

فرحان الفدعاني

حظوراً متميز وأسلوبً رائع

صغته لنا عبر هذه الرائعه

صح لسانك وسلم بنانك

وتقبل فائق التقدير والاحترام

**عوض بن نادر** · 30/03/08, (08:34 AM)

الرائع فرحان الفدعاني صح لسانك ولا هنت اخوي

**ابوالهيثم** · 30/03/08, (05:59 PM)

صح لسانك وسلم بنانك

وتقبل فائق التقدير والاحترام

**محمد المقبل** · 30/03/08, (06:23 PM)

فرحان الفدعاني

صح لسانك على هذا النص الجميل

**هندي المقبل** · 31/03/08, (12:41 AM)

صح لسانك

فرحان الفدعاني الي الاجمل دائما

دمت بود