قبل الفطور

[الصقار]

السلام عليكم ورحمة الله وبركاته


وكل عام وانتم بخير................

قبل الفطور ....الي ياخذ عياله للحديقه ..والي يروح يجيب مقاضي مالها داعي والشوارع زحمه .المهم يصيرلنا مواقف

خلونا نشوف مواقفكم ونضحك معكم

انا اليوم دخلت المطبخ حوالي طعش..مره ...هاااااااه خلص الفطور ؟؟؟؟؟ طيب خلص تبي تفطر العصر ..

اخر حل ارسلوني اجيب اغراض كانت موجوده اصلاً ...

تحياتي وبنتظار علومكم

[البدر]

ابن هندي

احسن لك ثاني مره لاتدخل المطبخ وتزعج ترى يرسلونك تجيب اغراض من بعيد وبالنهايه يفوتك الفطور

=====================

اما عني انا فأني اجد وقت قبل الافطار افضل وقت للمرور على المنتدى وبصراحه استمتع بالوقت مع امثالك

ولازالت هناك الكثير من المواقف الطريف في شهر رمضان وان كانت كلها في السنوات الماضيه

واغلبها واطرفها مع السمبوسه التي اجعلتني ابداء اجازتي في احد السنوات مبكرا واترك الجامعه قبل اسبوع من الاجازه

حينما فعلت فعلتها وانفجرت وسببت لي بعض الحروق بعد صرت حتى السمبوسه ما احب آكلها الا انتقاما منها!!!!!!!!!!!

[الصقار]

مرحبتين ..البدر ....

ما احب آكلها.... الا... انتقاما منها!!!!!!!!!!!...حلوهههه..بالعافيه...تحياتي لك

[الصقار]

>>>>>هاذي مواقف .......الشاعر خلف المشعان ,,,,ولااني متاكد هي له كل المواقف ولا................

الموقف الأول :

البارحه رحت .. اتقضى من .. السوق هل رمضان ورحت اجيب المقاضي
لقيت لي واحد .. من الربع مطفوق اسمه اذا ماني بغلطان .. راضي
سلم علي .. وصار يطلبني .. حقوق تقول انا مذنب وهالأخ .. قاضي
جلس يسمعني .. من الشعر .. طاروق وانا ورايه شغل .. مانيب فاضي
يقول هذا البيت ماهو بمسروق يانوض قلبي نوض براق ناضي
حاولت اجيه بذوق .. مافاد به .. ذوق ولا فاد به .. تلميحتي واعتراضي
قلت العفو ياخوك انا الحين مزنوق والشعر كله .. صارلي فعل ماضي
صدري على وجه الشهر صار به ضوق رغم ان خلقي .. كان جداً رياضي
الا انه اجبرني .. اخلي له .. السوق جانا رمضان ولا شريت المقاضي
الموقف الثاني :

كم لي شهر.. ماشفت .. حامد .. وفرحان ربع ٍ .. لياغاب الخوي .. يفقدوونه
رغم انهم .. ماهم .. بعيدين .. جيران حامد ورى المسجد .. وفرحان دونه
إلا انّ هالدنيا .. خذت .. عقل الانسان ونابت أذانه .. عن مهمة عيونه
أصبح فلان .. اليوم .. يسمع عن فلان وكلٍ سعى في هالحياة .. بشؤونه
دنيا المشاغل .. فرقت .. بين الاخوان يموت ابوهم .. والعزى .. مايجونه
رحماك .. ياربي ونسألك .. الاحسان نطلبك .. عن هول الزمان .. المعونه
اليوم ( صدفه ) شفت حامد .. وفرحان بالمسجد .. اللي توّهم .. يدخلونه
قبل رمضان .. تشوف به خمس شيبان واليوم كل الحي .. صاروا يجونه

الموقف الثالث :

قبل الفطور بربع ساعه اتخبرون كلٍ .. ببيته .. للفطور .. يتولم
وانا تورطت بهديفه ,, ومجنون تصادموا .. والكل قام .. يتظلم
هذا يقول أنت آعَمى مالك عيون وهذاك .. من هول الفجيعه تبلم
قدام بيتي .. قلت يالربع تدرون تفضلوا بعد الفطور نتكلم
عيا الهديفه قلت له طيب شلون نبقى هنا قال ايه ، قلت اتحلم
لو ننتظر لين الحكومة يمرون كان للإمام من التراويح .. سلم
قلت اسمعوا .. وش رايكم لو تطسون مدري متى .. شعب الخليج يتعلم

الموقف الرابع :

محدٍ بهالعالم من الذنب معصوم نسألك .. يارب العباد .. السلامه
بعض البشر بوزه على الصبح ملموم نفسه بخشمه .. لا اقعدوه .. لدوامه
تلقى فرامل خلقه الصبح معدوم وعاجز لسانه .. لا يربّط .. حزامه
وبعض البشر لا نام ماوده يقوم يقضي عبادات الصيام بمنامه
يجمع صلاته يوم يقعد من النوم ويطلب لقا ربّه .. بيوم القيامه
لاصار صومه نوم .. وشوله يصووم ربه .. ترى ماهو .. بحاجة صيامه
وبعض البشر عن ماذكرناه محشووم يتعب على صوم رمضان .. وقيامه

الموقف الخامس :

السالفه .. ماهي بحاجة .. لتصعيد-------موقفك .. جاهز .. منتهي .. ما يبيله
لااتجيب فينا العيد .. بدري على العيد-------قدامنا .. سته وعشرين .... ليله
ياصاحبي سرْعَتْك كل مالها .. اتزيد------خفف .. ترى كلٍ .. تحراه .. عيله
كانك تدور صيد .. ماعاد به صيد--------فرّطت .. في شهر ٍ فضيل .. بفضيله
من قالك تسهر .. وتعطي .. مواعيد----حتى لو انك .. ماانت راعي .. طويله
والله لو بيدنا .. عطيناك .. تمديد-------لكنّه .. اذّن .. مالنا فيه .. حيله
بس هدّ .. تكفى .. لا تحضّر بنا العيد-------قدامنا .. سته وعشرين .... ليله

الموقف السابع :

الموقف .. السابع .. عن انسان مسكين----رُبَى يتيم .. وكان .. رابع خواته
أبوه مات .. وماترك .. لامهم .. شين--------ماغير .. رحمة ربهم .. في وصاته
عاشوا على .. شغل امهم .. بالفساتين-----وياحسين ود الثوب .. ياحسين هاته
باول حياته .. جرب الشين .. والشين--------هو فيه .. زين يجربه .. في حياته
ان راح يلعب .. عيروه الوراعين----------واذا .. رجع للبيت .. مو .. من .. حلاته
يسمع كلام امه عن الفقر والدين----------ويضيق فيه الكون .. باربع .. جهاته
يعني بنت مستقبله .. دمعة .. العين------------ماعاد .. تفرق .. عن حياته .. مماته
كُبر .. وصار .. اكبر حرامي .. دكاكين---------يسمع .. بفقر الذيب .. والا .. غناته
لين اكفشوه .. وصارله .. أربع سنين--------يدعي ... لرب البيت .. بآخر .. صلاته
يارب .. تشملني .. بعفو .. المساجين----------وتفرج عن اللي .. يرتجنّه .. خواته

الموقف الثامن :

في ليلة الثامن .. بدينا بالاهمال-----------وصار الشهر .. عند الكثيرين عادي
مدري بدينا ننتظر شهر شواال-----------والا شهر شوال بالفعل بادي
يعني بدال نصير نخلص بالاعمال-----------نزداد عن رب العباد .. ابتعادي
عن التراويح .. نتعذر .. بالاشغال----------واشغالنا مابين ... سوق ونوادي
غزل .. اتمشي .. مشترى .. كذب .. تفصال---------حراء طبعا غير .. سوق البوادي
غزل .. ( على وِدنه ) .. وترقيم .. واهبال-------ومحاضرة .. للشيخ .. جوهر .. عبادي
استغفر الله .. وأسأله .. يرحم الحال-------------صرنا بوادي .. والعباده .. بوادي

الموقف التاسع :

دايم .. الياقالوا : (( شباب .. وعلى الدين ))أسكت .. على بالي .. فهمت العباره
أدري بها .. زينه .. ومفهومها .. زين واكيد .. واضح .. مايبيله .. شطاره
( واحد رقم )..( زايد ) .. ( رقم واحد ).... ( اثنين )لكن مهو كل الكلام استعاره
يعني مثل لا قلت لك صل هالحين هي نفسها لا قلت ولع زقاره
وش دخّل اهل الدين بمحمداللي فقع في كبد ابوه المراره
عزَب هتيم ...................................لا دك في غزوه ولا فك غاره
مافيه شي اسمه شبابٍ على الدين إلا شباب ٍ يستحق العباره
شفهم اليا أَ ذ ّن ينقلون الكراتين ويفطّرون الناس عند الإشاره

الموقف العاشر :

ثلث الشهرعدى وعدت لياليه- مسكين يامن في معاصيه لاهي
كلْ ما الشهر ينقص يزيدن معاصيه- ويزداد مع زود المعاصي تباهي
من لا هداه الله وسمح خطاويه--مايردعه عن منكر الفعل ناهي
ليل الشهر بين البرامج يقضّيه--متحطم بهيفا ومعجب بزاهي
محتار مايدري وش اللي ينقيّه--مثل اليتيم اليادخل بالملاهي
من مهزلة طاش لسخافة دقدّ د يه---لقريقعان وغانيات المقاهي
صارت تردد بينهم كلمة أ و مبيه------يالله تحفظ عقولنا مثل ماهي
كن الشهر موسم برامج وترفيه-----من فاهية وجه ٍ إلى وجه فاهي
ويالله تثبتنا فباقي لياليه-----وتذكّر اللي عن عبادتك ساهي

الموقف 11 :

ايوالله اذكر طلته ياحليله-----كان الشهر مع طلته متخاوي
يطلع على وقت اجتماع العيله--------يروي لنا والله ونعم الراوي
لا من طلع برنامجه نصغيله----شيخٍ عن امراض القلوب يداوي
اذكر بنان الياحكى تطريله--------------واذكر بعد في وقتها شيساوي
ينسى يحسب غتيرته منديله------------يمسح بها دمع العيون الهاوي
اذكر كثير وجيتكم داعيله------الله يرحم شيخنا الطنطاوي

الموقف 12 :

خلو ملاك تصلي .. لا تحرموها الجنه------ياويلكم من ربي يااهل الحسد خلوها
حتى الصلاة لربي صارت بعد بالمنه----------مو زين يطلع منها بعض العرب نسيوها
تحجبت من بدري تبي مع اهل السنه------------تلحق صلاة المسجد واخوانها ردوها
وهي عادةً لا قالت تنه فيعني تنه---------لامن بغتهم شغله تسابقوا جابووها
البارحه مانامت وبعذرها منجنه--------عيو عليها تصلي جت تشتكي لبوها
يبه يبه وش علمك يبا احسدوني الجنه---------منهم هذولا شفهم وجع وجع خلوها
ودو ملاك المسجد لا تحرموها منه--------ياويلكم من ربي يااهل الحسد ودوها

الموقف 13 :

ماكنت ابكشف عن خفا عارف سرور-----لاكن هو اللي قام يبحث خفايه
يعني على كشْف الورق صرت مجبور----------وهذا جزى اللي لف ذيله معايه
على الفطور البارحه جاني الدور---------وبلغت ابو طارق وكل خويايه
سلطان يشهد ماحصل مني قصور--------والحر كزه مايبيله وصايه
انا اشهد انه ماهو بشاهدٍ زور-------افطر معاي وشاف كل الحكاية
مااحدٍ حظر غيره وسلطان مخبور-------اما يجي أو يعتذر بالبدايه
بس البلا اللي داخل البيت محصور---------ان مسمحت له عاد ماهو خطايه

الموقف 14 :

الناس من تصبح يقولون يارب----يارب تصلح حالنا واتهدينا
وانا اصطبحت ولا طرالي أبد سبا--------لين شفت اليوم بنت اللذينا
قدام خلق الله تشرب سفن أب---------يدري بها الله عاد لو مادرينا
ما حقها تشتيم ذي حقها د ب-------حرام هالأشكال منا وفينا
هذي هي اللي بالشهر مالها طب------يالله انا طالبك لا تبتلينا

[الصقار]

الوووووووووووووو.........تراء فيه تصويت على احسن موقف

[ريماس]

موضوع حلو ... ليه مافي تفاعل

بصراحه عندي موقف ماراح انساه طول عمري

حدث قبل كذا سنه في اول تجربه لي مع الصيام

حيث ذبحني الجوع في اول يوم في رمضان وكنت توني جايه من المدرسه

واختفيت في المجلس لانه لم يكن فيه احد وقمت بالاكل من التمر الموجود هناك فدخل ابوي علي وكنت استحي منه مره فلما دخل مني ورآني آكل عمل نفسه لم يراني وعاد بسرعه لكني لم اتمالك نفسي وخرجت من المجلس وانا ابكي ..

وجلست طول رمضان ما اقدر اجلس عند ابوي

[هند آل فاضل]

دخلت هنا بالصدفه
ضحكت قلت مافيه مانع تشوفون وش حصل معي اليوم

اليوم كنا معزومين عند أخوي

المهم أنا رحت بدري بعد الدوام علشان أساعدهم في تجهيز السفره

وكنت أجهز في الصحون وأوزع الحلى بالصحون والكيك وماإلى ذلك الغريب أني مستغربه من هالموقف

كل ماأقطع وتبقى زاويه في الصحن أقول لأخويه ذوق شوف هذه المهم كان أخوي يذوق ويقول حلوه

كانت زوجته تلبس وجائت وشافت المنظر صاحت فينا أنتو شنو تسوون

المشكله أننا طالعنا فيها بإستغراب وش فيها هذه

وكانت المشكله فينا مو فيها

وصاحت فينا لس ماأذن المغرب ضرب أخوي على راسه ودفعني أنا والطاوه وقال حسبي الله عليك فطرتيني

وأنا والله من الخوف صحت وصاروا يعلقون عليه يوم أذن قالوا ماله داعي تفطر خلاص شبعت وأنا متفشله منه

موقف ماراح أنساه بصراحه

وسلامتكم