مرثية بوالدي رحمه الله وادخله فسيح جناته - °~*¤®§(§ شبـــكة ويــلان العـربـيـه §)§®¤*~ˆ°

**نافع عيد الجديد** · 16/10/08, (12:28 AM)

بديت باسم الله على العسر واللين=الواحد الـــــــي كل منــا يطيـــــــيعه
يالله طلبتك يــــاكريــم لنـا تعيــــن=ياربنا رحمــــــــــتك دايم وســيعـــــه
مرحوم ياللي مات في يوم الأثـنين=مع العشاء صارت علينـــا الفجيعـــه
يوم اذن المــــذن يـــردد معه ليــن=وعقبه شهــاده واقـــتــفتـها النزيعــــه
مرحوم ياللي دايم يفـــــعل الـزين=يرضي بــــه اللـــــه ثـــم يرضي شفيعه
مرحوم ياللي مااشتكى منه الادنين=يصبر على الزلــــــــه ولو هـي وجيعه
يابوي من عقبك ترى الهم طاوين=والعـــيـــن هــلـــت دمــــع ماتستطيعه
يابوي من عقبك جميع المعزين=يدعـــون لك جنــــــات زينــــة طبــــيعه
وانا اطلب الله ربنا فارض الدين=يسكنك بالجنــــــه مســــاكن رفيـــــــعه
واختامها مني الفا مع الفــــــين=اطـــــلب من الله يقبلك لــــــه وديعــــــه
وصلاة رب عدما بالحــــــرامين=واعـــــــداد بـــــراق تــــــــزايد لمــــيعه
على محمد سيــــــد كل النبــــيين=الهــــــادي اللــــي كــــــل منــــا تبيــعه

**هندي المقبل** · 16/10/08, (03:36 AM)

الشاعر نافع الجديد

رحم الله والدك واسكنه فسيح الجنان

وشكرا لك على هذه الاحاسيس الشعريه المعبره

صح لسانك

**هبوب العنزي** · 16/10/08, (03:49 AM)

نافع عيد الجديد لاهنت وصح لسانك مليون والله يرحمه واجعله بالفردوس الاعلى

يابوي من عقبك ترى الهم طاوين
.......والعين هلت دمع ماتستطيعه

انا اشهد يانافع ان العين هلت دمع ماتستطيعه

**الجادل** · 16/10/08, (04:04 AM)

اخوي نافع
الله يرحم الوالد ويسكنه فسيح جناته ويرزقه الفردوس الأعلى من الجنة... آآآآآآآآآمين
وصح لسانك على هالمرثية ...

**ماجد الغانم** · 16/10/08, (12:51 PM)

الغااالي

نافع الجديد

الله يرحم والدك ويسكنه فسيح جناااته

وصح لساانك على هذه المرثيه المؤثرة

دمت بكل خير ...

تقبل خالص تحيااااااتي

**سالم صالح** · 16/10/08, (01:21 PM)

الاخ والشاعر

نافع الجديد

رحم الله والدك رحمة واسعة واسكنه فسيح جناتة

لاتعليق على النص لانه يكفي ان يكون في والدك رحمه الله

**بدرفهد الجعفري** · 16/10/08, (02:55 PM)

رحم الله والدك

وشكرا لك على هذه القصيده المعبره

نافع الجديد صح لسانك