قصيدة عراقي ارسلها لي على الايميل - °~*¤®§(§ شبـــكة ويــلان العـربـيـه §)§®¤*~ˆ°

**فهد السلقاوي** · 17/03/09, (08:57 PM)

مو شرط السجن غرفه وضلم سجان
سجن الدنيه وحشه بلايه كل قضبان
من خوف الدرب من كل لغم مزروع
حقل الغام عدنه بكل فرع بستان
من خوف الرصاص التايه اعله الناس
شواجير المطر صار الدرب غركان
من صوت البجي اليقبض حنين الروح
من النوح لو تسمع بجي الجيران
تعبنه النجف من كد عدد الكبور
وصاحت كافي صاحت خلصت الكيعان
اذا رايد شغل بي كرف كومه فلوس
مسحاتك اخذهه واشتغل دفان
لان صار الوطن بيد انكس التجار
صارت للحرامي الي صبح سلطان
يصدرون النفط والخير بس للغير
مقابل موت جاهز حصة للانسان
تعبنه من الحجي وملينه من الضيم
شبعنه من البواجي هواي ضكنه احزان
كل يوم الشعب من عنده قسم يموت
من غير الخطف والذله والحرمان
باجر عكبه يصحه الريس من النوم
ويلكه الدنيه خلصت والشعب خلصان
ملينه الحزن والضحكه صارت طيف
بس ويه الحلم تخطر عله الخاطر
طاري الموت صار اليوم جن موال
بلسان البريء الي صبح شاعر
حظك يا وطن مكلوب دوم اعليك
مسكين انت والله وباقي اتكابر
حضك يا وطن ويه الحكم عاثر
ماواحد حكم اله بحكم جاير
كثر شيبك تره والكبر بيين بيك
باوع نفسك انت بحالك شصاير
لان ضاع الوفه ومحد وكفلك عون
وخلوك انت وحدك بالجرح حاير
سل سيفه النذل واتنخه بالكفار
والفجر بالوطن تلكاه ابن كافر
ضيعو شعبك انت بهالدول مفقود
للغربه الشعب يوميه ديهاجر
انصحك ياوطن حضر جواز ال g
ولاوربا افلت ياوطن ســـــــــــــــافر

**أبو غرام** · 17/03/09, (09:45 PM)

لا حول الله

وصل به الامر لتمني السفر وترك البلاد

محاوله طيبه ... نترك اهل الشأن يتفحصونها

شكرا لك اخي فهد على هذا النقل الجميل

**سعد النفج** · 18/03/09, (05:54 PM)

تظلم و شكوى عن طريق النثر..

و ليس شعر

الله يعينهم و يصبرهم

و شكرا لك اخوي فهد على النقل

**سليمان الجعفري** · 19/03/09, (10:35 AM)

لا حول ولاقوة الابالله

الله يحرربلدهم من الغزاة الكفره

وصل به الامر لتمني السفر وترك بلاده

محاوله طيبه نثر بها همومه واحزانه

شكرا لك اخي فهد على هذا النقل المميز

**فهد الشافي** · 20/03/09, (04:52 AM)

مشكور على النقل اخي فهد

فائق تحياتي

**سعود المسعودي** · 24/03/09, (08:05 AM)

شكرا لك اخي فهد على هذا النقل الجميل