{محمد تفضــل الكابتشينو ~ - °~*¤®§(§ شبـــكة ويــلان العـربـيـه §)§®¤*~ˆ°

**شمــــــــوخ** · 22/01/08, (07:32 PM)

] مساء / صباح الخيرااااات والمسرات

وشلونكم مع البرد المفاجيء ... والا الحر المفاجيء ماعندنا حل وسط
وشعلووم المطر معكم ..وش علووم المذاكره للي عندهم أختبارات .. وموفقين خير ..

هالبرد يبي مشرووب ساخن << تبي تسهركم

:

وبما أن محمد طلب مني كابتشينوا قررت احط لكم مقاديررهـ للي مايعررفه ..

هو سهل بس الأهم بالكابتشينو طريقة التقديم والتزيين علشان يفتح النفس وينشرب كله

نبدأ..

:

:

3 ملعقة حليب بودره
2 كاس مويه
1 ملعقة صغيره نسكافيه
فنجان سكر
1 حليب ابو قوس سائل ( ولاتبدلين بغيره )
قارورة موية صحه فاضيه ..

الطريقة :

نجيب ركوة القهوه ونحط فيها المويه والحليب
والنسكافيه والسكر وتغلينهم
وفي اثناء مانغليها .. نجيب قارورة المويه

ونحط فيها حليب ابو قوس ونرج العلبه عشان تطلع رغوة
وعلى فكره ترى بس ابو قوس يطلع رغوه غيره لا ..

وبعد ماتسخن المقادير الأولى..

نحطها بالأكواب وبعدها نضيف لها اللي بالقاروره
ونزينها بالهيرشي والا بالنسكافيه ..

:

وبالعافيــــه ]

**فهد الشافي** · 23/01/08, (12:56 AM)

يعطيك العافية شموخ

وهذي تصلح وقت التصحيح لانه بصراحة قلق

ومحمد يستاهل هذا واكثر وفقه الله

تحياتي

**محمد الدلماني** · 23/01/08, (10:48 AM)

هههههههههههه حلوه القاروره

شموخ انا من المغرمين بالكابتشينو بس مشكلتي مقاطع ستار بوكس وقبل شهرين قاطعت ابو قوس لان ابو قوس رفع سعره 60% وقلنا نبي نأدبهم شوي <<<<<والله مادرو عني

بس مدام هو الوحيد ابو رغوه اجل نبي نجرب ونرجع بس ان ماطلع رغوه بتدفعين حسابه

وتسلم يدينك على هالتحضير ونبي نجرب ونصوره بعد

**صالح العرجان** · 23/01/08, (02:01 PM)

عــوافــي

بــجــد هــذا وقــتــه الــجــو عــنــدنــا ( لــنــدنــي ) مــطــر وغــيــم ودنــيــا بــرا مــجــنــونــه

يــعــيــشــك شــمــوخ

**شمــــــــوخ** · 23/01/08, (02:08 PM)

هلا فهد والله صادق التصحيح يبي مخمخه

لأنه صداع وعوار راس

مشكور ع الحضور يستاهلك الطيب

:

**شمــــــــوخ** · 23/01/08, (02:14 PM)

هلا محمد

والله كل شيء آقدر آمنع نفسي عنه وآقاطعه الا شيئين بالدنيا
واحد منهم الكابتشينو .. بأنواعه طبعآ ..

سواء ستاربوكس وغيره ..

بعدين حتى عندنا رافعين سعره أبو قوس .. بس لأنه هو أفضل شيء للكابتشينو علشان رغوته

<< والرغوه الأهم بالكابتشينو

وبعدين طبق الخطوات صح وبتطلع لك رغوه بس لاتزعجنا وان ماطلع رهنت جهازي عندك

<< تقصد المايكرويف

وحياك الله

**شمــــــــوخ** · 23/01/08, (02:16 PM)

حيك الله أبوعبدالله

خذ لك كآس ع السريع

يخزي العين أجل مثل جوناااااا

رعد وبرق وبرد وريح دنيا برا مجنونه

يعيشك أبو عبووود منورنا بطلتك

: