ياقصيده
ياقصيده عبري في كل لون= مايدور بخاطري واللي ابيه
عبري بالصدق فالصدق محصون= لاتزيدي الهرج والاتنقصيه
عبري باحلى المشاعر والفنون= واعجبي من يسمعك ثم اطربيه
اطربي من يسمعك باحلى شجون= وانتقي احسن لحن ثم اعزفيه
و اوحي للي ودهم لك يسمعون = ما تبينه من هدف او تقصديه
لاتخلي بالنظام ولا الوزون= ولاتسبي شخصٍ والاتحقريه
ياقصيده رحبي باللي يجون=وانثري الإبداع واللي يحتويه
ان مدحتي امدحي من يعتنون= بالكرم والطيبِ والراي النبيه
وان هجيتي اهجي اللي يفقدون= للخصال الطيبه والااتركيه
من سعى للطيب والله يعرفون= لاتعدي حقهم او تجحفيه
وان نصحتي اجعليهم يقتدون= في محمد سيد الخلق الوجيه
وديننا الإسلام له هم ينصرون= ويجعلون ارواحهم هي تفتديهa
والوطن ثم الوطن لايتركون= ياقفون بوجه من يحقد عليه
الخبيث النذل له هم يطردون= ويردعون اللي نوى ايضا يجيه
وان كتبتي بالغزل زيدي جنون= وابدعي في وصف هاللي تعشقيه
واعجبي من حبِ واللي يعشقون= وارسمي اروع جمال وصوريه
واجعلي كل البشر به ينعِتون= واقهريهم لو يقولوا نهتويه
والطبيعه ياقصيده لاتهون=اوصفيها باللي ودك تاصفيه
ابدعي في وصفهاللي يبون=واجعلي كل البشر تنظر اليه
ياقصيده عبري في كل لون = مايدور بخاطري واللي ابيه
تمت وصلوا عدد مشي المزون= على الذي رب الخلايق مصطفيه
الجـو غّيم
الجوغّيم وكلٍ رافع ايدينه= يطلب من الله ولي الخلق يسقينا
الخالق اللي جميع الخلق راجينه=سبحانه اللي على الدنيا ممشينا
نرجيه وحده يجيب الخير في حينه= ويسقي عباده ويرئف في مواشينا
ويبدل احوالنا الحالةٍ زينه= ومن فضله وجوده المعبود يعطينا
ماغيرك احدٍ يرب الخلق ناصينه= أنت الذي قادر تفرج بلاوينا
النفس فينا تراها دوم مسكينه= نتبع هواها لوأن الشر يأتينا
ننقص لك الفرض ونحسبنا موفينه= والزل حاصل ترى الشيطان مغوينا
يالله تغفرلنا باللي مسوينه= والحق يالله طريقه دوم تهدينا
حكمك ترانا يارب الخلق راضينه= نخشى عذابك ونخشى النار تكوينا
تمت وصلوا على اللي دوم تالينه= اعداد ماخطت الأقلام بيدينا
.................................................. .....................................
الي تركي صالح مع التحيه
الأخوة والأخوات الكرام
السلام عليكم ورحمة الله وبركاتة
اليكم هذه القصيدة المتواضعة والتي هي بحق أنسان يحمل من الصفات الكريمة والخصال الحميدة الشيء الكثير
وهو الأخ العزيز والغالي
تركي الصالح
اليكم الأبيات
السلام أبرسله واعظم تحيه=لرجال اللي تنخا لرجالي.
الرجال الوافيه اهل الحميه=ومنبعٍ لطيب من أول وتالي
اقصد الي صورته بالقلب حيه = ابو صالح معلمٍ لطيب عالي
نسل حر بالكرم مافيه زيه= وارثٍ هالطيب من عم وخالي
مامشى درب العفن والا الرديه=كاسب الطولات مع كل المعالي
داخله في داخله نفسٍ بهيه= والتواضع مالكه مع وسع بالي
هذا تركي عزوته الوايليه= من نصاه بشيء مايرجعه خالي
ماهو بالي ينهزم يترك خوية= لالقاه ابهم عنه الهم شالي
ينحشر لو صابته أية أذيه=ولاأختفى عنه يبادره السؤالي
طيب الأفعال مابه سوء نيه=لاذكر هالطيب يأتي له مجالي
باذلٍ للطيب بيدينٍ سخيه= طيب بالفعل وفي شخصه مثالي
أطلب الله يحفضه من كل سيه=وكل هم جاه لعله يزالي
مدحته والله ترى حقٍ عليه=و لو أزيد المدح ماوفي مقالي
ماأضني مرتكب أية خطيه= وماذكرته ماهو بنسج الخيالي
هذا ماشاهدت والمسه ابيديه = ابو صالح غير في كل الفعالي
والله أنه لو طلب عمري هديه =ما أقول أنه بحقه شيء غالي
************
30/10/07, (10:02 PM)
ديوان الشاعر ::: ماجد الجعفري:::
العرض العادي
