يا كثر ما نسمع و يا قل ما نشوف - °~*¤®§(§ شبـــكة ويــلان العـربـيـه §)§®¤*~ˆ°

**عبدالعزيز العدواني** · 30/05/10, (05:18 PM)

يا كثر مانسمع ويا قل ما نشوف = والعلم الي من صالح الناس اشاعه
مستقبل(ن) لونه رمادي وبه خوف = لا بيت لا ارض وبس سمع(ن) وطاعه
طاعة ولا ماهي على ارقابنا سيوف = طاعة غلا ماهي بطاعة صياعه
نغضي لو ان الامر واضح ومكشوف = والصمت عند كبار الاريا شجاعه
من دون وال الأمر تاقف لنا وقوف = مجالس(ن) فيها التشاور ضياعه
ترسم لنا خط(ن) مزفلت ومرصوف = قدام والينا تحفظ الوداعه
وهي من ورانا تلف وتدور وتطوف = لا هي بصالح فرد والا جماعه
لا والله الا عندي ضروف وضروف = وغيري بعد عنده ضروف ومجاعه
إلى متى والحق يا ناس مكتوف = وإلى متى وقلوب اهلنا رعاعه
ما ودنا بارهاب والوضع محفوف = لكن نبي للصوت بس استماعه
يا والي امر الناس ما بيننا ضيوف = حنا معازيبك ترى كل ساعه
ناقف بوقت الضيق بصفوف وصفوف = ونطوع اللي ما يطيع ببراعه
وان كان شكوانا تقوي لها ضعوف = ما هو خطا يا جا ضعيف(ن) متاعه
متى على الله قبل ما نسمع نشوف = والنور واضح ما يخفى شعاعه

**سالم صالح** · 30/05/10, (06:23 PM)

الشاعر القدير

عبدالعزيز العدواني

صح السانك ولاتاتي الا بالشموخ ايها الشامخ قصيدة راااااائعة وفي الصميم وتحاكي حال المجتمع وما اجمل الشاعر عندما يحاكي واقع مجتمعه بكل صدق

لله درك وتقبل تقديري وودي

**سعد النفج** · 30/05/10, (09:58 PM)

عبدالعزيز العدواني ..
.
شاعر مميز و شهادتي فيك مجروحه ..
أعتبره من أبرز الشعراء ..
نصوصه تروق لي كثيرآ و أحرص على متابعة جديده ..
و لا أخفيك يا عبدالعزيز ..
تابعت لقآءك في قنآة نايلات الفضائيه و برغم أنه اللقآء الأول إلا أنك تميزت و أبدعت ..
شعر .. ثقافه .. جرأه .. تميز .. إبدآع ..
و هذا النص دليل على شاعرية عبدالعزيز العدواني ..
.
دمت بخير و دام عزفك في ويلان ..
.

**هيـاا العـازمـي** · 30/05/10, (10:59 PM)

.
.

عبدالعزيز العدواني

لله درك من شاعر

لـَ ربِ إن كلمة مبدع لا تكفيك

الله عليك

الحكمة والجزالة وكل شيء رأيته هنا

يصح لساانك وبووحك وكلك

ولايهيينك على هكذا إتحاف

اعجابي ومتابعتي

هيــــاااااا