هذا رصيد اللي مايلقى رصيدة - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 03/10/10, (04:33 PM)

بسم الله الرحمن الرحيم
السلام عليكم ورحمة الله وبركاته
اترك بين ايديكم هذه المتواضعة واتقبل نقدكم بكل سرور

يابو عوض محلا السوالف على الكيف
كيف النشامى بالديار البعيده
بالمجلس اللي فيه حلو السواليف
وكلن يسولف بالعلوم الفريده
والبر جوه لاربيع ولاصيف
فصل الشتاء والدار دايم بريده
تعجبك قطرات الندى من على الريف
ويروق بالك واطلب اللي تريده
مع شبه الموقد وناس عواريف
هذا رصيد اللي مايلقى رصيده
بعيد عن جو المدن والملاقيف
الجو رايق والخواطر سعيده
وليا نصانا الضيف حنا هل الضيف
يلقى الدلال مصففه بالوقيده
هاذي سلوم اهل الوفا والمواقيف
ماهي علينا يالنشامى جديده
وختامها يابو عوض مابها زيف
حنا هل التوحيد واهل العقيده

وسلامتكم

**هندي المقبل** · 12/10/10, (12:31 AM)

ياهلا مشهور

الغالي جو الربيع مافي مثله تراه احلى من جو الشتاء وانا اخوك

بأنتظار القادم الاجمل
وارجوا منك اذا اردت مخاطبة الادراه مراسلتهم على الايميل او في منتدى الاقتراحات والشكاوي

وشكرا لك

**مشهور الرشدان** · 12/10/10, (09:50 AM)

شاكر مرورك اخوي هندي دمت بخير

**حمد الضوّي** · 12/10/10, (11:26 AM)

مشهور الرشدان
ــــــــــــــــــــــ
صح لسانك وأنا أوافق أخوي هندي المقبل الراي ننتظر إبداعك ....دمت بخير

**محمد بن موسى** · 12/10/10, (03:52 PM)

هاذي سلوم اهل الوفا والمواقيف
ماهي علينا يالنشامى جديده

مشهووور الرشدان

كفووو يالغالي

صح السانك مدد بلا عدد
ابيات رائعه ومعبره

كن بخير

**سالم صالح** · 12/10/10, (04:33 PM)

مشهور الرشدان

صح السانك قصيدة جميلة والله يعطيك العافية

تقبل تقديري

**مشهور الرشدان** · 12/10/10, (06:33 PM)

شاكر مروركم احبتي جميعاً
ومنكم نتعلم الله يبيض وجيهكم