انا على شانك نويت اريق دم المحبره

[صالح السالم]

انا على شانك نويت اريق دم المحبره=وانتي عليك ترددين الحرف من خلف اللثام
كذاب من قال ان درب العشق ما هز شعره=صوتك اليا مر المسامع راحت عزومي حطام
والله مدري كيف هزة صخرة الخافق مره=وكيف اشغلتني بعد ما فكت عصافير الغرام
قدرت تلم شتات شاعرها قبل ما تبعثره=وتملكتني قبل ما تبادلني اطراف الكلام
وشلون اوصفها وهي ليل(ن) ما يقدر يسهره=غير الجمال اللي نثر سحره ورى جنح الظلام
قلبٍ تمر بيومه العابر ولا تجيب اخبره=ما يستحق انه يعيش العمر في برد وسلام
يسوق عذره لي وهو لو صد ملزوم اعذره=حتى لو ان طيور خفاقي على وصله حيام
عذره يقول الوقت متخالط حديده ودرره=ولا ودي انزل بعد ما حلقت من فوق الغمام
وانا لو ان البعد كاسرني قبل ما يكسره=ما والله ارضى له ولا ارضى لي سوى راس السنام

[مشهور الرشدان]

الشاعر القدير /صالح السالم

صح لسانك وعتلا شانك للامانه هذه القصيده من اجمل ماقرآت في هذا المنتدى
رائيناك مبدع في المحاوره وها نحن نراك مبدع بالنظم لاتبخل علينا بكل ماهو جديد
فانا من متابعيك ومن هذه اللحظه تحيااتي ابو حفص

[محمد بن موسى]

صالح السالم


حينما تحضر يحضر الابداع والشعر معك

نص رائع ومعبر مليئ بالعذوبه والشاعريه

لاحرمنا الرحمن من هذا الحضور الرائع والمتألق

صح السانك ملاييم يالغالي

وبأنتظار مزيداً من التألق في جديدك


تقبل فائق الود والتقدير


كن بخيرر

[عبدالله المعيوف الدهمشي]

الله الله

صح لسانك ملااااااااايين

[سالم صالح]

المبدع ,,,


صالح السالم ,,,


لله درك على هذة الابيات الراقية والمليئة بالشاعرية العذبة ولاهي غريبة دائم وانت مبدع يابن سالم


تقبل تقديري

[غموض الشمال]

صح الله لسانك اخوي صالح

قصيده رائعه كروعة حضورك

دمت ودام لنا تميزك وحضورك الرائع

تقديري لك

[بنت الكحيلا]

صح لسانك اخوي صالح السالم

قصيدة رائعه وجميله

من شاعر متمكن مثلك

ابدعت بهذا البوح الراقي

وتستاهل التقييم بكل صراحه


لك شكري وتقديري