موجهه الى سعد النفج - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 04/08/11, (03:56 AM)

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
ابيات متواضعه موجهه الى استاذي بالشعر (سعد بن شايش النفج)

شهر الصيام اللي لفانا ويلفاك = يالله عسى خيره يعم العبادي
مدافعه ترعـد لهـذا وهـذاك = تنذر هل الغفله وقوم الرقـاادي
عليك بصيامه واذا ليله امساك = شمر وقوم الليل تقوى وزادي
من اول وذالحين لاتقصر اخطاك =خلك يابوشايش كريم وجوادي
واليا لفيت اقول حياك حياك = درب السنع ماهي دروب الفسادي
ماقصر يميني عن هل الطيب شرواك = يامحزمي ياعزوتي يازنادي
يالله عسى المعبود يقبل لك ادعاك = ويتوب ربي عن جميع العباادي

**جلال الدرعان** · 04/08/11, (04:33 AM)

صح السانك اخوي مشهور

ويستاهل اخونا وحبيبنا سعد النفج

دايما مبدع فلا تحرمنا من ابدعااااتكـ

كن بخير

**بنت الكحيلا** · 04/08/11, (10:44 AM)

والنعم باالمادح والممدوح

وقصيدة رائعه اخوي مشهور الرشدان

ونصيحه قيمه بارك الله فيك

ابدعت الله يعطيك العافية

لك شكري وتقديري

**سليمان مفضي العنزي** · 04/08/11, (01:59 PM)

مشهور الرشدان

كل عام وانت بخير وصح لسانك على هذه الابيات التي تحمل معاني ساميه

**محمد البويليد العنزي** · 04/08/11, (02:27 PM)

مطنوخ الويلان
صح الله لسانك واعتلا شانك
قصيده جزله من شاعر جزل
ونصيحه ثمينه
والشاعر سعد يستاهل
والنعم بالمادح والممدوح
كل الشكر لك
دمت بخير

**حمد الضوّي** · 04/08/11, (02:33 PM)

مطنوخ الويلان
مشهور الرشدان

ماقصر يميني عن هل الطيب شرواك

يامحزمـي ياعـزوتـي يـازنـادي

صح لسانك وسبعة أنعام بالمادح والممدوح
وابو شايش سعد النفج يستاهل كل خير
أبيات جمعت بين المدح والنصح والحكمه
سلم منطوقك كعادتك مبدع يامطنوخ

تحايا

**بندر السديري** · 04/08/11, (04:56 PM)

مشهور الرشدان
والنعم فيكم كلكم
وكلكم شعراء راائعين
صح الساانك ياالمطنوخ
وسعد يستاهل
وانت دووم وافي
تحيااتي