((أنا ادري انك شهم ماني موصيك ))

[مشهور الرشدان]

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
هذه القصيده تشرفت في القائها في زواج الشاعر القدير / محمد البويليد العواجي

مبروك يامحمد عسى الله يهنيك = في نصف دينك ياكريم الخصالي
اسوق لك جيش التهاني واهنيك = يالله عسى الفرحه سنين وليالي
تستاهل الافراح ياللي مباديك = الطيب والتقدير سلم الرجالي
عسى السعاده في حياتك تخاويك = وتعيش بالدنيا تروم المعالي
يالله عساها تبتسم لك خطاويك = وتحقق الغايه وصعب المنالي
وانا ادري انك شهم ماني موصيك = ابوك علمك السنع والعدالي
لكن بعد جيش الفرح والتباريك = وبيوت شعرن كلبوها جزالي
الجادل اللي جات من بين اياديك = احرص عليها من هبوب الشمالي
بنت الحسب (والنسب) دايم تراعيك = وانته تراعيها على كل حالي
هي بسمة الدنيا وهي من رضى فيك = وانته رضيت ابها ولا به جدالي
واليوم صارت في دروبك تماشيك = الله جمعكم بالشرف والحلالي
دره ثمينه من حياها تحييك = وانته تبادلها الحيا والدلالي
افراحكم كملت وتمت هقاويك = فرحه ثمنها مايجي بالريالي
اكملت نصف الدين والرب يحميك = من الجهل والزور واهل الظلالي
واليوم ياربي من القلب ندعيك = تجمع بهم في خير ياذا الجلالي

[حمد الضوّي]

الشاعر القدير

مشهور الرشدان(مطنوخ الويلان)

من العايدين وكل عام والجميع بخير

صح لسانك وإعتلا شانك كفيت ووفيت بيض الله وجهك
ومحمد البويليد يستاهل كل خير ونقول له الف مبروك الزواج
وحياه زوجيه مليئه بالسعاده والأنس وبالتوفيق الدائم بإذن الله تعالى
كل الشكر يامطنوخ



تحايا

[ابو غريب العبدلي]

مطنوخ الويلان صح لساااااااااااااانك حتى ترضى ويستاهل الشاعر محمد العواجي

[بنت الكحيلا]

والنعم بالمادح والممدوح

وصح لسانك اخوي مشهور الرشدان

والله يعطيك العافية على القصيدة الرائعه

ابدعت بهذا البوح الراقي بارك الله فيك

لك كل الشكر

[محمد دعسان]

الف نعم باالمادح والممدوح
لحظه ابا اقول
الله يبيض وجهك ياالمطنوخ
مشهور الرشدان

تقبل مروري


الله يحفظك

[صالح الأسود الجعفري]

اللهم صل على محمد وعلى آله وصحبه أجمعين
وعليكم السلام ورحمة الله وبركاته
مشهور الرشدان
صح السانك وفيت وكفيت
دمت بخير

[بنت راشد]

والنعم بالمادح والممدوح

وصح لسانك اخوي مشهور الرشدان

والله يعطيك العافية على القصيدة الرائعه

بارك الله فيك لك كل الشكر