((بعض البشر لازم يحدك تردى)) - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 29/10/11, (09:38 PM)

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

يكفي دمع بالله ياعين تكفين = شياً مضى خليه روح وعدى
ماني ردي او وقتنا للرديين = بعض البشر لازم يحدك تردى
لابو حياتن تقصر بوسطها ايدين = ولابوك ياعمرن يروح بكدى
محدن فهمني كل ابوكم غبيين = حتى حبيبي ابتلش بالمردى
قطعة لحم ماتنصف يوم نصفين = حبت وضاقت قلت لازم اشدى
يالله تراي مودعك شيخة الزين خل السعاده عندها لاتعدى
قلت اتعشى بالوفاء وانقلب دين = وشفت الخيانه من وفايه تغدى
يكفي ابتدينا وانتهينا شريفين = مع السلامه يالحبيب المفدى

**سراب نجد** · 30/10/11, (12:12 AM)

اقتباس:

المشاركة الأصلية كتبت بواسطة مشهور الرشدان

يكفي ابتدينا وانتهينا شريفين = مع السلامه يالحبيب المفدى

[/poem]

مشهور الرشدان .........

صح السانك يالمطنوخ

قصيده معبره وشامخه بشموخ قايلها

لك مني جزيل الشكر والتقدير

**صالح الأسود الجعفري** · 30/10/11, (01:05 AM)

اقتباس:
ماني ردي او وقتنا للرديين = بعض البشر لازم يحدك تردى
لابو حياتن تقصر بوسطها ايدين = ولابوك ياعمرن يروح بكدى

مشهور الرشدان

ابداااع وتميز صح السانك

دمت بخير

**حمد الضوّي** · 30/10/11, (02:12 PM)

مشهور الرشدان

( المطنوخ )

لابو حياتن تقصر بوسطها ايدين
............................... ولابوك ياعمرن يـروح بكـدى

صح لسانك مليون ولايكفون ابدعت فأمتعت
بارك الله فيك وسلم فكرك ودام إبداعك
شاعر راقي ومتمكن ومتميز أيضا ً
لله درك يامشهور

تحايا

**محمد البويليد العنزي** · 30/10/11, (08:14 PM)

الشاعر القدير// مطنوخ ويلان
صح لسانك واعتلا شانك
قصيده جزله من شاعر جزل
كعادتك مشهور لايرضى الا بالجزاله
دمت ودام ابداعك
كل الشكر لك

**بندر السديري** · 31/10/11, (10:58 AM)

مشهوور الرشداان
صح الساانك ياالمطنووخ
وعزالله انك جزل
وماتجيب الا الجزل
تحيااتي

**عبدالرحمن الجابري الحربي** · 01/11/11, (11:23 PM)

لابو حياتن تقصر بوسطها ايدين
ولابــــوك يـاعـمــرن يــــروح بــكــدى

قلـت اتعشـى بالوفـاء وانقلـب ديـن
وشفـت الخيانـه مـن وفـايـه تـغـدى

صح لساااانك يالمطنوووخ ...

حضرت لتسجيل اعجااابي ...