غافله - °~*¤®§(§ شبـــكة ويــلان العـربـيـه §)§®¤*~ˆ°

**عبدالعزيز العدواني** · 13/11/11, (02:55 PM)

وش نقول لوقتنا اللي فات من طول الغياب
ووش يصلح ماكسره الوقت وانتي غافله

إيه جيتي بس جيتي لي على صفحة كتاب
لو تقبلك الليالي صاح قلبي سافله

سافله ماكنك الا الموت من بعد الصواب
لو تجملتي نجومك من سمايه آفله

جاوبيني الا وش ينفع جوابك مع جواب
السنين وضيقة الخاطر وزفرة قافله

ماحسبت لرجعتك في يوم يالغيبه حساب
والخيول اللي تشيل إخطاك راحت جافله

الخيال يكفي المغرم عن ابواب العتاب
والشموع لعودة الغالين دايم كافله

إفتحي شباكك الدنيا ترى صارت ضباب
ما عدا ليله بها الاشواق كانت حافله

إيه جيتي بس جيتيني على حزة غياب
المحبه والوفا والشوق وانتي غافله

**غموض الشمال** · 13/11/11, (03:20 PM)

الله الله عليك
مبدع بلا حدود اخوي القدير عبدالعزيز العدواني
ويشرفني ان اكون اول من يعانق هذا الابداع
صح الله لسانك على هذا النص الشامخ
نص لايمل من قرائته..دام لنا ابداعك وتواجدك الراقي
تقديري لك

**ابراهيم السلمي** · 13/11/11, (03:52 PM)

ماشالله تبارك الله

تناغم شعري رائع

صح الله لسانك ملاييين ولايكفوون

لك مني كل الود

اخوك

ابراهيم السلمي

**عبدالعزيز العدواني** · 13/11/11, (03:55 PM)

اقتباس:
المشاركة الأصلية كتبت بواسطة غموض الشمال
الله الله عليك
مبدع بلا حدود اخوي القدير عبدالعزيز العدواني
ويشرفني ان اكون اول من يعانق هذا الابداع
صح الله لسانك على هذا النص الشامخ
نص لايمل من قرائته..دام لنا ابداعك وتواجدك الراقي
تقديري لك

غموض

أريد أن اقول وضوح إن سمحتي لي

تواجدك أسعدني بهذا القلم الصادق

وأنا أيضا أتشرف بك وبروعة حضورك

كوني بخير يا نقيه

**حمد الضوّي** · 13/11/11, (10:15 PM)

الشاعر القدير

عبدالعزيز العدواني

صح لسانك حد الرضى أبدعت فأمتعت
خيال واسع وشاعريه فذه
سلم فكرك الراقي

تحايا

**بدرفهد الجعفري** · 14/11/11, (01:33 PM)

عبدالعزيز العدواني

ابيات من ذهب

صح لسانك الي انت ترضى

تقبل اعجابي

**عبدالرحمن الجابري الحربي** · 14/11/11, (10:03 PM)

صح لسااانك اخوي عبدالعزيز

نص شامخ وجزل من شاعر الجزااالة

لك اطيب التحاايااا