لـيل الـبرد !!

[عبدالمحسن الجلوي]

للريح صوت الحزن باطراف شباك = في ليلةن شاف الجحود وندبها
كئيب يشبه صوتي اللي تمناك = في ساعةن فيض المشاعر غلبها
ياطول ليل البرد واسرف بذكراك = مع ناري اللي ماتجمل حطبها
البارحة عاتبت طيفك وطرياك = ومن يملك الاشواق يسوى عتبها
عاتبت طيفا جاب طلة محياك = في صورتاً لون الخجل يغتصبها
ياهادماً صرح المحبة بيمناك = عجزت لافهم دمعتك وش سببها
سعيت بالفرقا ولبيت مسعاك = والنفس تبقى ملك منهو طلبها
ان جا الندم في تال الايام وابكاك = خاو الطيور الطايره في سربها
اذكر حبيباً في زمانه تحراك = العمر يمشي والسنين نحسبها
لو في يدي انساك والله لانساك = وانسى ليالن شفت ضيعة تعبها
مار الخيال اللي عجز عنه الادراك = ينسج بروحي صورتاً من هدبها
بالسامري غنوا جروحي بفرقاك = قامت تّهزّع فرقته من طربها
شاعر شكا ضيم الزمن يوم ناداك = وحزن القصيده يشربه من كتبها...

[صاهود الوائلي]

صح لسانك ولاهنت

[عبدالمحسن الجلوي]

صاهود الــوائــلي

أهلاً وسهلاً ومرحبا ... صح بدنك الله لا يهينك,,

[حمد الضوّي]

عبدالمحسن الجلوي

صح لسانك وبيض الله وجهك
مبدع بارك الله فيك






تحايا

[عبدالمحسن الجلوي]

الشاعر حمــد الــضوي
صح بدنك ,,, سلمت بيض الله وجهك
دمت بحفظ الله ورعايته.

[عبدالرحمن الجابري الحربي]

لــو فــي يــدي انـسـاك والله لانـســاك
وانـسـى ليـالـن شـفـت ضـيـعـة تعـبـهـا
مار الخيـال اللـي عجـز عنـه الادراك
ينـسـج بـروحـي صـورتـاً مــن هـدبـهـا

عبدالمحسن الجلوي

صح لساااانك ..

أبياااات في قمة الروعة ..

تحياااتي ..

[عبدالمحسن الجلوي]

اقتباس:
المشاركة الأصلية كتبت بواسطة عبدالرحمن الجابري الحربي
لــو فــي يــدي انـسـاك والله لانـســاك
وانـسـى ليـالـن شـفـت ضـيـعـة تعـبـهـا
مار الخيـال اللـي عجـز عنـه الادراك
ينـسـج بـروحـي صـورتـاً مــن هـدبـهـا

عبدالمحسن الجلوي

صح لساااانك ..

أبياااات في قمة الروعة ..


تحياااتي ..

الشاعر : عبدالرحمن الجابري الحربي ونعم وسبعة أنعام ,, صح بدنك.. دمت بحفظ المولى ورعايته ..