هاجس الشوق - °~*¤®§(§ شبـــكة ويــلان العـربـيـه §)§®¤*~ˆ°

**ابراهيم السلمي** · 10/10/12, (10:31 PM)

اسعد الله مساكم / صباحكم باليمن والمسرات

متواضعه جديده اتمنى ان تنال على رضاكم

هاجس الشوق

ياهيه لا تسئل وشف حبر الاقلام
غطى على بيض الورق بالنياحه

حبره يسطر لك معاناة واوهام
بحروف شاعر خطها بالصراحه

يسرد معاناته على عض الابهام
في بحر وقته ما يجيد السباحه

عقبك تغير واقعه واصبح احلام
تجري على عكس التمني رياحه

ليله سهر واهات وجروح وهيام
والتيه والحرمان موجز صباحه

خده روى من دمعته عبر الايام
حتى غدا خده لحزنه سياحه

والنوم عقب فراقك اللي من العام
غايب عن عيونه ولا فيه راحه

واليا غفا في غفوته هاجسه حام
واهتز جوفه وابتدا في صياحه

غفوة صويب تزعجه كثر الالام
وده ينام ومبتلش في جراحه

وشلون انام وهاجس الشوق مانام
وسط الحشا يحجز لطيفك مساحه

الشوق حكم من اصعب احكام الاعدام
يفقد به المشتاق كل ارتياحه

وانا بعد فرقاك شوقي والاحلام
ضيف قلط وسط الحشا واستباحه

ضيف ثقيل ولا عرف قدر الاكرام
عكر مزاج الفكر والنوم ازاحه

هذي معاناتي وشف حبر الاقلام
سطر حروف الشعر بوح وصراحه

وسلامة الجميع

اخوكم

ابراهيم السلمي

**تركي علي الخالدي** · 11/10/12, (01:37 PM)

وانت سالم وغانم يا ابراهيم

ابداع كالعاده وحضوري شعري مميز

صح لسانك ولاتحرمنا من المزيد من الابداع

اسجل اعجابي واقف احتراما لك

**محمد دعسان** · 11/10/12, (06:38 PM)

الله عليك
كم انت مبدع وتعزف لحالك كل انواع الرقي
يا زين منطوقك ي السلمي
الله يرعاك

**بدرفهد الجعفري** · 12/10/12, (01:46 AM)

الشاعر : ابراهيم السلمي

صح لسانك وبيض الله وجهك على هذه الابيات الجميله التي امتعتنا بها كما انت دائما

شاعر جزل ومبدع

**رونق الحياة** · 12/10/12, (07:26 AM)

ابداع رائعا جدا

**حمد الضوّي** · 12/10/12, (01:55 PM)

ابراهيم

صح لسانك وإعتلى شانك مبدع دائما ً بارك الله فيك
وهذا بالتأكيد ليس غريب عليك

انقى تحيه

**سالم العنزي** · 12/10/12, (03:27 PM)

الشاعر ابراهيم السلمي

صح لسانك على هذه الابيات
دائما مبدع وتمتع متابعيك

صح لسانك الي ان ترضى